பட்டாசு விபத்து பலி 8 ஆக உயர்வு உயிரிழந்தவர் குடும்பத்துக்கு தலா ஸீ1 லட்சம் நிதியுதவி

by **நண்பன்** Sun 7 Aug 2011 - 4:39

சென்னை: சிவகாசி பட்டாசு ஆலை வெடிவிபத்தில் பலியானோர் எண்ணிக்கை 8 ஆக உயர்ந்தது. விபத்து தொடர்பாக ஆலை போர்மேனை போலீசார் கைது செய்தனர்.
சிவகாசி அருகே எம்.புதுப்பட்டியை அடுத்த காளையார்குறிச்சியில் கனகபிரபு என்பவருக்குச் சொந்தமான பட்டாசு ஆலையில் நேற்றுமுன்தினம் எடையிட்ட பிறகு கீழே சிதறிக்கிடந்த மருந்தை அள்ளியபோது ஏற்பட்ட உராய்வில் தீப்பொறி கிளம்பி, மருந்து மூட்டை பயங்கரமாக வெடித்துச் சிதறியது. இதில் ஆலை கட்டிடம் இடிந்து விழுந்தது. இதில் சிக்கி அங்கு பணியில் இருந்த 8 பெண்கள் இறந்தனர்.
படுகாயமடைந்த பத்மாவதி, பாண்டி, முருகன், முனியாண்டிக்கு தீவிர சிகிச்சை அளிக்கப்படுகிறது. ஆலை போர்மேன் செந்தில் சுரேஷை (31) எம்.புதுப்பட்டி போலீசார் கைது செய்தனர். பட்டாசு ஆலை உரிமையாளர் கனக பிரபுவை வலை வீசி தேடிவருகின்றனர்.
சிவகாசி பட்டாசு தொழிற்சாலை விபத்தில் உயிரிழந்தவர் குடும்பங்களுக்கு, தலா ஸீ1 லட்சம் நிதி உதவி வழங்கப்படும் என்று முதல்வர் ஜெயலலிதா அறிவித்துள்ளார். காயமடைந்தவர்கள் அனைவருக்கும், நல்ல முறையில் சிகிச்சை அளிக்க மருத்துவமனை அதிகாரிகளுக்கும், விருதுநகர் மாவட்ட நிர்வாகத்துக்கும் உத்தரவிட்டுள்ளேன்.
இந்த சம்பவத்தில் காயமடைந் துள்ள அனைவரும் விரைவில் பூரண குணமடைய வேண்டும். இந்த துயர சம்பவத்தில் உயிரிழந்தவர்களின் குடும்பங்கள் ஒவ்வொன்றுக்கும் தலா ஒரு லட்சம் ரூபாயும், பலத்த காயமடைந்தவர்களுக்கு தலா ஸீ15 ஆயிரமும், சாதாரண காயம் அடைந்தவர்களுக்கு தலா ஸீ6 ஆயிரமும், முதலமைச்சரின் பொது நிவாரண நிதியிலிருந்து வழங்க உத்தரவிட்டுள்ளேன் என்று ஜெயலலிதா அறிக்கையில் கூறியுள்ளார்.