டில்சன் அபார சதம்: சொந்த மண்ணில் இலங்கைக்கு முதல் வெற்றி

டில்'hன் அபார சதம்: சொந்த மண்ணில் இலங்கைக்கு முதல் வெற்றி
இருபது - 20
டில்ஷானின் அபார சதத்தின் மூலம் அவுஸ்திரேலியாவுடனான முதலாவது இருபது - 20 போட்டியில் இலங்கை அணி 35 ஓட்டங்களால் இலகு வெற்றியீட்டியது.

இதன்படி இலங்கை அணி தனது சொந்த மண்ணில் முதல் முறையாக இருபது - 20 போட்டி ஒன்றில் வெற்றியை பதிவு செய்தது. இதற்கு முன்னர் இங்கு நடந்த நான்கு இருபது - 20 போட்டிகளிலும் இலங்கை அணி தோல்வியையே சந்தித்தது. அத்துடன் இரு நாடு களுக்கும் இடையிலான இரண்டு போட்டிகளைக் கொண்ட இருபது -20 தொடரில் இலங்கை அணி 1-0 என்ற கணக்கில் முன்னிலை பெற்றது.

பல்லேகலவில் நேற்று முன்தினம் நடைபெற்ற போட்டியில் முதலில் துடுப்பெடுத்தாட பணிக்கப்பட்ட இலங்கை அணி அதிரடியாக ஆடி 20 ஓவர்களுக்கு 3 விக்கெட்டுகளை இழந்து 198 ஓட்டங்களைப் பெற்றது. அணித் தலைவர் டில்ஷான் 57 பந்துகளில் 12 பெளண்டரிகளும் 5 சிக்ஸர்களும் அடங்கலாக ஆட்டமிழக்காது 104 ஓட்டங்களை பெற்றார்.

இதன் மூலம் இருபது - 20 அரங்கில் சதம் பெறும் 5 ஆவது வீரராக டில்ஷான் பதிவானார். இதற்கு முன்னர் கிறிஸ் கெயில், பிரென்டன் மெக்கலம், சுரெஷ் ரெய்னா, மஹேல ஜயவர்தன ஆகியோர் இந்த இலக்கை எட்டியுள்ளனர்.

இலங்கை அணி சார்பில் சங்கக்கார 22 பந்துகளுக்கு 30 ஓட்டங்களை பெற்றதோடு ஜீவந்த மெண்டிஸ் 19 பந்துகளுக்கு ஆட்டமிழக்காது 29 ஓட்டகளை குவித்தார்.

இந்நிலையில் சவாலான இலக்கை நோக்கி பதிலெடுத்தாடிய அவுஸ்திரேலிய அணி ஆரம்பம் தொட்டு மளமளவெண்டு விக்கெட்டுகளை பறிகொடுத்தது. இதனால் அந்த அணி 20 ஓவர்களில் 8 விக்கெட்டுகளை இழந்து 163 ஓட்டங்களையே பெற்றது. ஆரம்ப வீரர் டேவிட் வோர்னர் 31 பந்துகளில் 53 ஓட்டங்களை பெற்றார்.

லங்கை சார்பில் டில்ருவன் பெரேரா 3 விக்கெட்டுகளை வீழ்த்தியதோடு நுவன் குலசேகர 2 விக்கெட்டுகளை பதம்பார்த்தார். சதம் பெற்ற டில்ஷான் ஆட்ட நாயகன் விருதை வென்றார்.

இரு நாடுகளுக்கும் இடையிலான இரண்டாவதும் கடைசியுமான இருபது - 20 போட்டி இன்று நடைபெறவுள்ளது.

:!+: :!+: