செவ்வாய்க் கிரக ஆராய்ச்சியில் சுவிஸ் பெர்ன் விஞ்ஞானிகள்

சிவப்பு நிற செவ்வாய்க் கிரகத்தில் தண்ணீர் இருப்பதை நாசா விஞ்ஞானிகள் தற்போது கண்டுபிடித்து உள்ளனர். தண்ணீர் இருப்பதால் அங்கு உயிரினமும் இருக்கலாம் என்ற நம்பிக்கை ஏற்பட்டு உள்ளது.
இந்த செவ்வாய் கிரகத்தை ஆராய்ச்சி செய்யும் செயற்கை கோளில் ஒரு கருவியை சுவிஸ் பெர்ன் பல்கலைகழகத்தின் விண்வெளி ஆராய்ச்சி மற்றும் கிரக அறிவியல் விஞ்ஞானிகள் உருவாக்கி உள்ளனர்.

அமெரிக்க விண்வெளி ஆராய்ச்சி மையம் மேற்கொள்ளும் செவ்வாய் கிரக ஆராய்ச்சியில் இடம் பெற்ற ஒரே ஐரோப்பிய குழு என்ற பெருமை கிடைத்துள்ளது.

செவ்வாய் கிரகத்தின் பல இடங்களில் உப்புகள் உள்ளன என்பதும் எங்களுக்கு தெரியும் என பெர்ன் விண்வெளி ஆராய்ச்சி மற்றும் கிரக அறிவியல் பிரிவு பேராசிரியர் தாமஸ் கூறினார்.

சூரியக் குடும்பத்தில் சூரியனில் இருந்து 4வது கிரகமாக செவ்வாய்க் கிரகம் உள்ளது. பூமிக்கும் செவ்வாய்க் கிரகத்திற்கும் இடையே 550 லட்சம் கிலோ மீற்றர் இடைவெளி உள்ளது.

பூமியில் ஒரு நாள் 24 மணி நேரம் கொண்டதாகும். செவ்வாய்க் கிரகத்தில் ஒரு நாள் 24 மணி நேரம் 39 நிமிடம் கொண்டதாக உள்ளது.

பூமியின் ஈர்ப்பு சக்தியில் மூன்றில் ஒருபங்கு அளவே செவ்வாய் கிரகத்தில் காணப்படுகிறது. பூமியை விட குளிர் நிறைந்ததாக செவ்வாய்க் கிரகம் உள்ளது. அங்கு சராசரி வெப்பநிலை மைனஸ்-63 டிகிரியாக உள்ளது.