தன்வினை தன்னைச் சுடும் என்பதற்கு இவனது வாழ்க்கை ஒரு நல்ல உதாரணம்

by **நண்பன்** Tue 9 Aug 2011 - 4:58

தன்வினை தன்னைச் சுடும் என்பதற்கு இவனது வாழ்க்கை ஒரு நல்ல உதாரணம்
64 வயது மனிதன், தனது உறவினரின் பதினொரு வயது அப்பாவி மகளை பாலியல் ரீதியில் துஷ்பிரயோகத்திற்கு இலக்காக்கி இருக்கிறான். இந்த வயோதிபன் எதையும் செய்யும் உடல்வலு பெற்றவனாக இருப்பதை எடுத்துக்காட்டக் கூடிய ஒரு நிகழ்வு, இரத்தோட்டை பொலிஸ் பிரிவில் இடம்பெற்றுள்ளது.

இந்த மனிதனை கைது செய்த பொலிசார் ஜீப்பில் கடந்த வியாழன் அன்று எடுத்துச் சென்ற போது அவன் பொலிஸ் ஜீப்பிலிருந்து வெளியே பாய்ந்து தப்பியோட செய்த முயற்சி படுதோல்வியில் முடிவடைந்திருக்கிறது.

வெளியே பாய்ந்த அந்த மனிதன் படுகாயமடைந்த நிலையில் ஆஸ்பத்திரிக்கு எடுத்துச் செல்லப்பட்ட போது அங்கு மரணமடைந்தான். இப்போது அவன் செய்த படுபாதகமான குற்றத்தைப் பற்றிய விசாரணைக்கு முழுக்கு போட்டிருக்கும் பொலிசார் அவன் ஜீப்பிலிருந்து பாய்ந்து மரணமடைந்தது பற்றிய விசாரணையை முடுக்கி விட்டுள்ளார்கள்.

தன்வினை தன்னைச் சுடும் என்பதற்கு அமைய எங்கள் வாழ்க்கையில் ஏதாவது குற்றம் செய்தால், மறுவாழ்க்கையில் அல்ல இதே வாழ்க்கையின் போதே தண்டிக்கப்படுவோம் என்ற இயற்கை நீதி இந்த மனிதனை பொறுத்தமட்டில் ஊர்ஜிதம் செய்யப்பட்டுள்ளது.