கொலை செய்து கை, கால்கள் கட்டப்பட்டுகிணற்றில் வீசப்பட்ட ஆண் உடல் மீட்பு

தென்காசி:சாம்பவர்வடகரை அருகே கொலை செய்து கை, கால்கள் கட்டப்பட்ட
நிலையில் ஆண் உடல் கிணற்றில் இருந்து மீட்கப்பட்டதால் பரபரப்பு
ஏற்பட்டது.சாம்பவர்வடகரை அருகே ஊர்மேலழகியான் பகுதியில் தனியாருக்கு
சொந்தமான பாழடைந்த கிணறு ஒன்று உள்ளது. நேற்று இப்பகுதியில் இருந்து
துர்நாற்றம் வீசியது. அவ்வழியே சென்றவர்கள் கிணற்றை பார்த்த போது தண்ணீரில்
ஆண் உடல் நிர்வாண நிலையில் மிதந்துள்ளது. இதுபற்றி சாம்பவர்வடகரை
போலீசிற்கு தகவல் தெரிவிக்கப்பட்டது.தென்காசி டி.எஸ்.பி.ஸ்டாலின்,
ஆய்க்குடி இன்ஸ்பெக்டர் சோமசுந்தரம் மற்றும் போலீசார் விரைந்து சென்றனர்.
கிணற்றில் இருந்து உடலை மீட்கும் பணி நடந்தது.
இறந்த நபருக்கு 45 வயது இருக்கும். கை, கால்கள் கட்டப்பட்டிருந்தது.
கயிற்றின் மற்றொரு பகுதியில் சிமென்ட் சாக்கு பையில் கற்கள் நிரப்பி
கட்டப்பட்டிருந்தது. அதனால் இறந்தவர் கொலை செய்யப்பட்டுள்ளது தெரிய வந்தது.
இறந்தவர் யார்? எந்த ஊரை சேர்ந்தவர்? எதற்காக, யாரால் கொலை
செய்யப்பட்டார்? என்பது உடனடியாக தெரியவில்லை.நெல்லையில் இருந்து போலீஸ்
மோப்பநாய் யுவராஜ் வந்து மோப்பம் பிடித்து சென்றது. விரல்ரேகை நிபுணர்களும்
வந்து ஆய்வு செய்தனர். தீயணைப்பு வீரர்கள் கிணற்றில் இருந்து உடலை
மீட்டனர். மீட்கப்பட்ட உடல் பிரேத பரிசோதனைக்காக தென்காசி அரசு
ஆஸ்பத்திரிக்கு அனுப்பி வைக்கப்பட்டது.இதுகுறித்து சாம்பவர்வடகரை சிறப்பு
சப்-இன்ஸ்பெக்டர் சவுக்கத் அலி வழக்குபதிவு செய்தார். இன்ஸ்பெக்டர்
சோமசுந்தரம் விசாரணை நடத்தி வருகிறார். இச்சம்பவம் சாம்பவர்வடகரை பகுதியில்
மிகுந்த பரபரப்பை ஏற்படுத்தியது.

:!.: :!.: m--+ m--+