அம்பாறை மாவட்டத்தில் தொடர்ந்தும் பதற்றம்

by **நண்பன்** Wed 10 Aug 2011 - 0:49

அம்பாறை மாவட்டத்தில் தொடர்ந்தும் பதற்றம்
மக்கள் அச்சம்
ஒலுவில் விசேட, அட்டாளைச்சேனை குறூப் நிருபர்கள்
அம்பாறை மாவட்டத்தில் உள்ள பல்வேறு பிரதேசங்களிலும் மர்மமனிதர்களின் நடமாட்டம் காணப்படுவதாக பரவிய தகவல்களைத் தொடர்ந்து அப்பகுதி மக்களிடையே பெரும் பரபரப்பும் பீதியும் ஏற்பட்டுள்ளது.

அம்பாறையில் வரிப்பத்தான்சேனை, இறக்காமம், ஒலுவில், அக்கரைப்பற்று மற்றும் மாவட்டத்தின் பின்தங்கிய பகுதிகளில் இத்தகைய கிaஸ் மர்ம மனிதர்களின் நடமாட்டம் காணப்பட்டுள்ளது.

கிaஸ் மனிதர்களின் நடமாட்டத்தைக் கண்டறிய அம்பாறை மாவட்டத்தின் பல்வேறு பகுதிகளிலும் பொலிஸார் இரவு வேளையில் விசேட ரோந்து நடவடிக்கையில் ஈடுபடுத்தப்பட்டுள்ளனர்.

கிaஸ் மனிதர்களின் நடமாட்டம் கடந்த வாரம் முதல் வரிப்பத்தான்சேனை, இறக்காமம், ஒலுவில் மற்றும் அம்பாறை மாவட்டத்தின் பல பின்தங்கிய பிரதேசங்களிலும் காணப்பட்டதாக தெரிவிக்கப்பட்டதையடுத்து மக்கள் மத்தியில் பீதி ஏற்பட்டுள்ளது.

இதனால், ஒலுவில், பாலமுனை, அட்டாளைச்சேனை, அக்கரைப்பற்று ஆகிய பின்தங்கிய பகுதிகளில் இரவு வேளையில் பொலிஸாருடன் இணைந்து கூட்டாக ரோந்து நடவடிக்கையில் ஈடுபட்டுள்ளனர்.

இவர்களது நடமாட்டம் காணப்படுவதாக ஏற்பட்டுள்ள பீதியினால் புனித ரமழான் மாதத்தில் இரவு வேளைகளில் பள்ளிவாசல்களுக்குச் சென்று தராவீஹ் தொழுகை மற்றும் விசேட மதவழிபாடுகளில் ஈடுபடுவதற்கு மக்கள் அச்சமடைகின்றனர்.

இதேவேளை, இச்சந்தர்ப்பத்தைப் பயன்படுத்தி சில பிரதேசங்களில், இரவு வேளைகளில் பிரதேச இளைஞர்கள் வீதிகளிலும் கடைத் தெருக்களிலும் நின்று கொண்டு பள்ளிவாசல்களுக்குத் தராவீஹ் தொழுகைக்காகச் செல்லும் பெண்களை அச்சமூட்டுவதாகவும் தெரிவிக்கப்படுகிறது. இதேவேளை திகிலூட்டும் “கிaஸ் மனிதர்” அடாவடித்தனம் தற்போது அக்கரைப்பற்றிற்கும் பரவியுள்ளதாக அறிவிக்கப்படுகின்றது. இதனால் அக்கரைப்பற்று நேற்று முன்தினம் பதற்ற நிலையில் காணப்பட்டது.

ஆண்கள் எல்லோரும் தொழுகைக்காக பள்ளிவாசல் சென்ற வேளைகளிலேயே இச்சம்பவம் நடைபெற்றுள்ளது.

அக்கரைப்பற்று 1ம் குறிச்சியில் நேற்று முன்தினம் இரவு 9.45 மணியளவில் இடம்பெற்ற இச்சம்பவத்தில் இரண்டு பேர் “பர்தா” அணிந்து பெண்கள் வேடத்தில் ஒரு வீட்டுக்குள் புகுந்து செல்ல மதில்மேல் ஏறியுள்ளனர்.

அப்போது எதிரே வியாபார நடவடிக்கைகளில் ஈடுபட்டுக்கொண்டிருந்த சில்லறைக்கடை வியாபாரி இதனைக் கண்ணுற்று “பர்தா” அணிந்த பெண்கள் மதில்மேல் ஏறுவதா? என அதிர்ச்சியடைந்து ஓலமிட்டார்.

இதனையடுத்து மக்கள் அங்கு கூடினர். மக்கள் கூடிய மறுகணமே இந்த “பர்தா தோற்றத்தில் வந்த பெண்கள் ஓடிமறைந்ததாக மக்கள் தெரிவித்தனர்.

இது குறித்து பொலிஸாருக்கு அறிவிக்கப்பட்டதையடுத்து பொலிஸார் ஸ்தலத்திற்கு விரைந்து தேடுதல் வேட்டையில் ஈடுபட்டனர்.

இச்சம்பவத்திற்கு முன்னர் இவ்வாறான இருவர் அட்டாளைச்சேனையில் நடமாடியதாகவும் தெரிவிக்கப்படுகிறது.