ஜெயலலிதாவின் செல்லப்பிள்ளை யார்?

ஜெயலலிதாவின் செல்லப்பிள்ளை யார்?
சட்டசபையில் ருசிகரமான விவாதம்
சென்னை,
முதல்வர் ஜெயலலிதாவின் செல்லப்பிள்ளை யார் என்பது குறித்து சட்டசபையில் நேற்று முன்தினம் ருசிகரமான விவாதம் நடந்தது. பட்ஜெட் மீதான பொது விவாதத்தில், மார்க்சிஸ்ட் உறுப்பினர் லாசர் பேசும்போது நடந்த ருசிகர விவாதம் வருமாறு: லாசர்: நான், போடி தொகுதியைச் சேர்ந்தவன் ஆனால் பெரியகுளம் தொகுதியில் போட்டியிட்டு தெரிவாகியுள்ளேன்.

நிதியமைச்சர் பன்னீர் செல்வம், பெரியகுளம் தொகுதியைச் சேர்ந்தவர். ஆனால், அவர் போடி தொகுதியில் போட்டியிட்டு வெற்றி பெற்றார். முதல்வரின் செல்லப்பிள்ளையாக அவர் இருப்பதால், பட்ஜெட்டில், போடி தொகுதிக்கு புது அரசு பொறியியல் கல்லூரி அறிவிக்கப்பட்டுள்ளது. பக்கத்தில் உள்ள என் தொகுதிக்கு எந்தவித அறிவிப்பும் இல்லை.

தேனி மாவட்டத்தில் அரசு கலைக் கல்லூரி அமைக்க முதல்வரும், நிதியமைச்சரும் நடவடிக்கை எடுக்க வேண்டும். ஒரு தொகுதிக்கு மட்டும் கல்லூரி அறிவித்துவிட்டு பக்கத்தில் உள்ள என் தொகுதிக்கு அறிவிக்கவில்லை என்றால் எனக்கு வயிறு வலிக்கும். இவ்வாறு லாசர் கூறியதும், சபையில் திடீர் சிரிப்பொலி எழுந்தது. முதல்வர் உட்பட அனைவரும் குலுங்கிச் சிரித்தனர். நிதியமைச்சர் ஒ. பன்னீர்செல்வம்: நான் மட்டும் முதல்வரின் செல்லப்பிள்ளை கிடையாது. கட்சியின் ஒரு கோடி தொண்டர்களும் 'அம்மா' வின் செல்லப்பிள்ளைகள் தான்.

இவ்வாறு கூறியதும், சபையில் மீண்டும் சிரிப்பொலி ஏற்பட்டது. பன்னீர்செல்வத்திடம் முதல்வர் ஏதோ கூறியதுடம், மீண்டும் பன்னீர்செல்வம் எழுந்தார்.

பன்னீர் செல்வம்: ஒரு கோடி தொண்டர்கள் கிடையாது, ஒன்றரை கோடி தொண்டர்களும், அம்மாவின் செல்லப்பிள்ளைகள்தான்.

லாசர்: பட்ஜெட் தயாரிப்புக்கு முதல்வர் முதன்மை தலைமை ஆசிரியராக இருந்து பணியாற்றியுள்ளார். நிதியமைச்சர், தேர்வெழுதும் மாணவரைப் போல் மிகச்சிறப்பாக தேர்வெழுதி, பட்ஜெட்டை தயாரித்துள்ளார். முதல்வருக்கும், நிதியமைச்சருக்கும், 100க்கு 100 மதிப்பெண்கள் வழங்கலாம். ஆனால், நான் 90 மதிப் பெண்கள்தான் கொடுப்பேன். சட்டசபையில், கம்யூனிஸ்ட் கட்சி உறுப்பினர்கள் சுட்டிக் காட்டும் பிரச்சினைகளையும், குறைகளையும் உடனுக்குடன் தீர்த்து வைத்தால் மீதமுள்ள 10 மதிப்பெண்களையும் தருவேன்.

இவ்வாறு விவாதம் நடந்தது.

ஒ. பன்னீர்செல்வம்: நான் மட்டும் முதல்வரின் செல்லப்பிள்ளை கிடையாது. கட்சியின் ஒரு கோடி தொண்டர்களும் 'அம்மா' வின் செல்லப்பிள்ளைகள் தான்.

நல்ல ஜால்ரா நடக்குது போல இருக்கு .வழக்கம் போல . :,;: :,;: