கல்வியில் இனி பாகுபாடு இருக்காது பெற்றோர் கருத்து

சென்னை : 1. மரியாள்(மயிலாப்பூர்): இனி அரசு பள்ளி, மெட்ரிக் பள்ளிகளில் பயிற்றுவிக்கப்படும் கல்வியில் பாகுபாடு இருக்காது.
2. சரிதா (மந்தைவெளி): எல்லா குழந்தைகளும் சமச்சீர் கல்வியை படிக்கப்போகிறார்கள் என்பதை நினைக்கும்போது, பெருமையாக இருக்கிறது.
3. மீனாட்சி (மயிலாப்பூர்): பாடப்புத்தகங்களில் உள்ள பக்கங்களை கிழிக்கக்கூடாது. முழுமையான பாடப்புத்தகங்களை கொடுக்க வேண்டும். பள்ளிக்கட்டணத்திலும் சமச்சீர் கொண்டுவர வேண்டும்.
4. கற்பகம் (பட்டினப்பாக்கம்): தமிழக அரசு முன்னரே சமச்சீர் கல்வியை அமல்படுத்தி இருந்தால், குழந்தைகளின் கல்வி பாதிக்கப்பட்டிருக்காது. குழந்தைகளின் கல்வி தடைப்பட்டதற்கு தமிழக அரசுதான் முழு பொறுப்பு.
5. பிரான்சஸ் (ராஜா அண்ணாமலைபுரம்): சமச்சீர் வழக்கில் உச்ச நீதிமன்றம் சிறப்பாக செயல்பட்டுள்ளது. உச்ச நீதிமன்றத்தில் தீர்ப்பு தமிழக அரசுக்கு உடனடியாக செயல்படுத்த வேண்டும்.
6. குப்புசாமி (பட்டினப்பாக்கம்): உச்ச நீதிமன்ற தீர்ப்பை கேட்டதும் மிகவும் சந்தோஷமாக இருக்கிறது. கடந்த 2 மாதங்களாக குழந்தைகள் சும்மாவே பள்ளிக்கு சென்று வந்தனர். குழந்தைகளின் கல்வி பாதிக்கப்பட்டு விடுமோ என்ற பயத்தில் இருந்தோம்.
7.மனோஜ் (மந்தைவெளி): உச்ச நீதிமன்ற தீர்ப்பை வரவேற்கிறோம். இனியும் காலதாமதம் செய்யாமல், சமச்சீர் கல்விக்கான புத்தகங்களை விநியோகிக்க வேண்டும். அனைத்து பள்ளிகளிலும் ஒரே மாதிரியான கட்டணத்தை நிர்ணயிக்க அரசு நடவடிக்கை எடுக்க வேண்டும்.
8.கோபாலகிருஷ்ணன் (சீனிவாசபுரம்): உச்ச நீதிமன்றம் சரியான தீர்ப்பை வழங்கியுள்ளது. சமச்சீர் கல்வி நன்றாக இருக்கும் என்றுதான் நினைக்கிறோம். சமச்சீர் கல்வியினால் அரசு பள்ளிகளின் தரம் உயரும்.
9.செல்வி (மயிலாப்பூர்): சமச்சீர் கல்வியினால் ஏழை குழந்தைகளின் கல்வி திறன் வளர்ச்சி அடையும். கல்வியில் ஏற்றத்தாழ்வு நீங்கியுள்ளது. சமச்சீர் பாடப்புத்தகங்களை ஓரிரு நாளில் கொடுக்க நடவடிக்கை எடுக்க வேண்டும்.
10. பிரபாவதி (சாந்தோம்): நாங்கள் எதிர்பார்த்தபடி, உச்ச நீதிமன்றம் தீர்ப்பு வழங்கியுள்ளது. சமச்சீர் கல்வியால் ஏழை, பணக்காரர் என்ற பாகுபாடு குறையும். அரசு மற்றும் தனியார் பள்ளிகளில் படிக்கும் குழந்தைகளிடையே ஏற்றத்தாழ்வு நீங்கும். சமச்சீர் கல்வி கிராமப்புற குழந்தைகளுக்கு மிகவும் பயனுள்ளதாக இருக்கும். 2 மாதங்கள் வீணாகிவிட்டது.
11. ராஜா (மந்தைவெளி): சமச்சீர் கல்வி வழக்கில் உச்ச நீதிமன்றம் தீர்ப்பு அதிரடியாக இருக்கிறது. இனியும், தமிழக அரசு பிடிவாதம் காட்டாமல், முன்பே செயல்படுத்தி இருக்கலாம்.
12. ஏழுமலை (சாந்தோம்): உச்ச நீதிமன்றம் தீர்ப்பை வரவேற்கிறோம். இதனால், கல்வியில் ஏற்றத்தாழ்வு நீங்கியுள்ளது. 10ம் வகுப்பு மாணவ, மாணவிகள் பாதிக்கப்படுவார்கள். உடனடியாக புத்தகங்களை கொடுக்க நடவடிக்கை எடுக்க வேண்டும்.

தினகரன்