இதுவரை 334 பேர் கைது லண்டன் கலவரத்தை ஒடுக்க கேமரூன் அவசர ஆலோசனை

லண்டன் : லண்டனில் நடக்கும் கலவரத்தை
ஒடுக்கவும், சேதமடைந்த நகரை பழைய நிலைக்கு கொண்டு வரவும் இங்கிலாந்து
பிரதமர் டேவிட் கேமரூன் தலைமையில் நேற்று அவசர கூட்டம் நடந்தது.
டாட்டன்ஹாமில் மார்க் டக்கன் என்பவர் சுட்டுக் கொல்லப்பட்டதை தொடர்ந்து
வடக்கு லண்டன் மற்றும் அதை சுற்றியுள்ள நகரங்களில் வன்முறை வெடித்தது.
அப்போது பஸ்கள், போலீஸ் வாகனங்கள், கார்கள், கடைகள், கட்டிடங்களுக்கு
வன்முறையில் ஈடுபட்டவர்கள் தீ வைத்தனர்.

கடைகளை சூறையாடியதுடன்
அங்குள்ள பொருட்களையும் சிலர் திருடிச் சென்றனர். தொடர்ந்து 3 நாட்களாக
நடக்கும் வன்முறை லிவர்பூல், பிரிஸ்டல், மிட்லேண்ட் பகுதிகளுக்கும்
பரவியது. இதனால் வடக்கு லண்டன் பகுதியில் மக்களின் இயல்பு வாழ்க்கை வெகுவாக
பாதித்தது.

இந்நிலையில் விடுமுறையை கழிக்க இத்தாலி சென்ற பிரதமர்
கேமரூன் உடனடியாக திங்களன்று நாடு திரும்பினார். இதையடுத்து நேற்று நடந்த
கூட்டத்தில், லண்டனில் பரவி வரும் வன்முறையை முழுவதுமாக ஒடுக்கவும், மற்ற
பகுதிகளுக்கு பரவவிடாமல் தடுப்பது பற்றியும் தீவிரமாக ஆலோசிக்கப்பட்டது.

கலவரத்தால்
சேதமடைந்த கட்டிடங்கள் மற்றும் வீதியெங்கும் குப்பைகளாக காட்சியளிக்கும்
நகரங்களை மீண்டும் பழைய நிலைக்கு கொண்டுவருவதற்கான பணிகளை முடிக்கி
விட்டுள்ளனர். கலவரத்தை முழுவதுமாக கட்டுப்படுத்தி, நகரில் அமைதியை
நிலைநாட்டுவதற்காக போலீஸ் படை குவிக்கப்பட்டுள்ளது. 334 பேரை இதுவரை போலீஸ்
கைது செய்துள்ளது

தினகரன்

இது என்னப்பா கலாட்டா இங்ககூட இப்படியா ?என்னமோ நாங்க அப்புடி இப்புடின்னு பீத்திப்பானுங்க இப்ப என்னடான்னா நம்ம நாட்டவிட கேவலமா இருக்கானுங்க

jasmin wrote:இது என்னப்பா கலாட்டா இங்ககூட இப்படியா ?என்னமோ நாங்க அப்புடி இப்புடின்னு பீத்திப்பானுங்க இப்ப என்னடான்னா நம்ம நாட்டவிட கேவலமா இருக்கானுங்க

உங்க கதய பார்த்தா நம்ம நாடு கேவலமா? {)) {))