காற்றாடி எமன்

by **நேசமுடன் ஹாசிம்** Wed 10 Aug 2011 - 14:32

தீபாவளி என்றாலே மக்களுக்கு பட்டாசுதான் ஞாபகம் வரும். சிறுவர்கள், வாலிபர்களுக்கு
ஞாபகம் வருவது காற்றாடிதான். ஆடி மாதம் ஆரம்பிக்கும் காற்றாடி, தீபாவளி வரை களைகட்டும். காற்றாடி விடுவதில் 10 வயது சிறுவர் முதல் 35 வயது வாலிபர் வரை ஆர்வம் காட்டுகின்றனர். சேவல் சண்டை, ஜல்லிக்கட்டு போட்டி போல காற்றாடி விடும் போட்டியும் நடக்கும்.
இதில் ஜெயிக்க ஒவ்வொருவரும் கண்ணாடித்தூள், மைதா மாவு, ஜாதிக்காய், போன்றவற்றை கலந்து மாஞ்சா தயாரித்து காற்றாடி நூலை மெருகேற்றுவார்கள்.

இந்த போட்டியில் காற்றாடி விடுபவர்களுக்கு மட்டும்தான் சந்தோஷம். மற்றவர்களுக்கு துன்பம்தான். காற்றாடி நூலினால் பலர் விபத்தில் சிக்குகின்றனர். அறுந்து விடும் காற்றாடி நூல் இருசக்கர வாகன ஓட்டிகளின் கழுத்தை பாதம் பார்த்து விடும். கடந்த ஆண்டு மட்டும் காற்றாடி நூல் அறுத்து 5 பேர் உயிரிழந்துள்ளனர். படுகாயம் அடைந்தவர்கள் எண்ணிக்கை அதிகம் உள்ளது.

by **நேசமுடன் ஹாசிம்** Wed 10 Aug 2011 - 14:33

இதற்கு முக்கிய காரணம் கண்ணாடித் தூளில் தயாரிக்கப்படும் மாஞ்சாதான். எனவே மாஞ்சா நூல் மூலம் காற்றாடி பறக்க விட போலீசார் தடை விதித்தனர். கடைகளில் திடீர் சோதனை நடத்தி மாஞ்சா நூலை பறிமுதல் செய்தனர். ஆனாலும் அதற்கு பலன் இல்லை. இப்போதே காற்றாடி சீசன் ஆரம்பித்து விட்டது.

வடசென்னை பகுதியில் சீசன் களைகட்டுகிறது. எனவே போலீசார் இதில் கடும் நடவடிக்கை எடுத்து, இந்த ஆண்டாவது காற்றாடியால் உயிரிழப்பு ஏற்படாமல் தடுக்க வேண்டும் என்று பொதுமக்கள், குறிப்பாக இரு சக்கர வாகன ஓட்டிகள் வலியுறுத்துகின்றனர்.

by **நேசமுடன் ஹாசிம்** Wed 10 Aug 2011 - 14:34

காற்றாடி எமன் Tamil-Daily-News_Paper_63577997685

வடசென்னை பேசின் பிரிட்ஜ் பாலத்தில் நேற்று முன்தினம் சாலையை ஆக்கிரமித்து சிறுவர்கள் காற்றாடி விட்டனர். அந்த வழியாக சென்ற வாகன ஓட்டிகள், காற்றாடி நூலுக்கு பயந்து வாகனத்தில் இருந்து இறங்கி தள்ளி சென்றனர். இதுபற்றி புகார் கூறியும், போலீசார் கண்டுகொள்ளாமல் அலட்சியமாக இருந்தனர். விபத்து நடப்பதற்கு முன் அதை தடுக்க வேண்டியது போலீசாரின் கடமை.

தன் உயிருக்கே ஆபத்து: காற்றாடி விடுவதில் சிறுவர்கள் ஆர்வமாக உள்ளனர். இவர்கள் காற்றாடி விடுவதற்கு ரயில்வே டிராக், மற்றும் காலி மைதானத்தை பயன்படுத்துகின்றனர். இவர்கள் எண்ணம் எல்லாம் காற்றாடியில் இருப்பதால் எதிரில் வரும் ரயில், மற்றும் வாகனங்களை கவனிப்பதில்லை. அவற்றில் சிக்கி உயிரிழக்க நேரிடுகிறது.

by **நேசமுடன் ஹாசிம்** Wed 10 Aug 2011 - 14:35

இந்த காற்றாடி மற்றவர்களுக்கு தொந்தரவு கொடுப்பதுடன் மட்டுமின்றி, காற்றாடி விடுபவரின் உயிரையும் சில நேரங்களில் பறித்து விடுகிறது.

by Sponsored content

காற்றாடி எமன்

காற்றாடி எமன்

Re: காற்றாடி எமன்

Re: காற்றாடி எமன்

Re: காற்றாடி எமன்

Re: காற்றாடி எமன்