மலேரியா பரவுவதை தடுப்பதற்கு விந்தணுக்களற்ற நுளம்புகள் உருவாக்கம் _

உலகில் மலேரியா பரவுவதை தடுக்கும் முயற்சியாக விந்தணுக்களற்ற மலட்டு நுளம்புகளை பிரித்தானிய விஞ்ஞானிகள் உருவாக்கியுள்ளனர்.

நுளம்புகளின் பெருக்கத்தை தடுக்க மலட்டு ஆண் நுளம்புகளை பரப்புவது முக்கியமான முன்னடியெடுத்துவைப்பென நிபுணர்கள் தெரிவிக்கின்றனர்.

ஒவ்வொரு வருடமும் மலேரியாவால் உலகமெங்கும் சுமார் ஒரு மில்லியன் பேர் உயிரிழந்து வருகின்றனர். ஆபிரிக்காவில் மட்டும் சிறுவர்கள் மரணங்களில் 20 சதவீதமான மரணங்களுக்கு மலேரியா நோய் தொற்று காரணமாக அமைந்துள்ளது.

இதற்கு முன் உருளைக்கிழங்குகளையும்கால்நடைகளையும் தாக்கும் பூச்சி புழுக்களை மலடாக்கும் செயற்கிரமம் ஜப்பானில் வெற்றிகரமாக முன்னெடுக்கப்பட்டமை குறிப்பிடத்தக்கது.

இந்நிலையில் மேற்படி நுளம்புகளை மலடாக்கும் செயற்கிரமமானது லண்டன் இம்பீரியல் கல்லூரியை சேர்ந்த நிபுணரான பிளமினா கட்டர்ருசியாவாலும் அவரது மாணவர் ஜனிஸ் தெய்லாயில்லாலும் முன்னெடுக்கப்பட்டுள்ளது.

இதன் பிரகாரம் அவர்கள் சாதாரண விந்தணு அபிவிருத்திக்கு அவசியமான "இஸட் பி.ஜி. என்ற மரபணுவை செயலிழக்க வைக்கும் வகையில் வடிவமைக்கப்பட்ட றைபோநியூகிளிக் அமிலங்களின் சிறிய பாகங்கள் 10,000 நுளம்புகளின் கருக்களில் உட்செலுத்தப்பட்டன.

இதனையடுத்து ஆய்வு கூடத்தில் சுமார் 100 விந்தணுக்கள் அற்ற நுளம்புகள் உருவாக்கப்பட்டன. இந்நிலையில் பெண் நுளம்புகள், இனவிருத்தி ஆற்றல் உள்ள நுளம்புகளைப் போன்றே இந்த மலடான ஆண் நுளம்புகளுடன் கலவியில் ஈடுபட ஆர்வம் காட்டியதாக கூறப்படுகின்றது. _

இப்பதான் நிம்மதியா இருக்கு பாவம் மக்கள் என்ன பாட்ட படுத்தினாங்க