பெண்ணைச் சீண்டிய கிறீஸ்மனிதன் மக்களால் வளைத்துப் பிடிப்பு

by **நண்பன்** Thu 11 Aug 2011 - 1:04

வாழைச்சேனையில் பதற்றம்

* பொலிஸ் பொதுமக்கள் மோதல்

* துப்பாக்கிச்சூடு

*அமைதிகாக்க அமீர் அலி வேண்டுகோள்

லக்ஷ்மி பரசுராமன், கல்குடா தினகரன் நிருபர், வாழைச்சேனை தினகரன் விசேட நிருபர்

வாழைச்சேனை நாவலடி சந்தியில் பெண் ஒருவர் கிரீஸ் மனிதனினால் தாக்கப்பட்டு
நகக்காயங்களுக்கு உள்ளானதையடுத்து அங்கு பெரும்

பரபரப்பு ஏற்பட்டது. இச்சம்பவம் நேற்றுக்காலை 11 மணியளவில் இடம்பெற்றது. நாவலடி
கேணிமடுவைச் சேர்ந்த மருசுக்கா (31 வயது) எனும் இரு பிள்ளைகளின் தாயாரே மேற்படி
மர்ம மனிதனினால் தாக்கப்பட்டு நகக்காயங்களுக்கு உள்ளாகியுள்ளார்.
இதனையடுத்து, ஊர்மக்கள் அல்லோலகல்லோலம் அடைந்ததோடு பெரும் பதற்றமும் ஏற்பட்டது.
விடயம் அறிந்து சம்பவ இடத்துக்கு விரைந்த பொலிஸார் ஒருவரைக் கைதுசெய்த பின்னர்
விடுவித்ததால் பொலிஸாருக்கும், ஊர்மக்களுக்குமிடையில் முறுகல் நிலை ஏற்பட்டது.
பொலிஸ் ஜீப் வண்டி பிரதேச மக்களால் அடித்து சேதமாக்கப்பட்டுள்ளதுடன், பொலிஸாரும்
காயங்களுக்கு உள்ளாக்கியிருப்பதாக வாழைச்சேனை பொலிஸார் தெரிவித்தனர்.
நிலைமையை கட்டுப்பாட்டுக்குக் கொண்டுவருவதற்காக பொலிஸார் நடத்திய துப்பாக்கிச்
சூட்டில் இருவர் காயமடைந்திருப்பதாகவும் பொலிஸ் வட்டாரங்கள் கூறின.

பெண்ணைச் சீண்டிய கிறீஸ்மனிதன் மக்களால் வளைத்துப் பிடிப்பு N-1

பெண்ணைச் சீண்டிய கிறீஸ்மனிதன் மக்களால் வளைத்துப் பிடிப்பு N-1-1

படங்கள்: முர்iத்

சம்பவம் தொடர்பில் சந்தேகத்தின் பேரில் ஒருவர் கைதுசெய்யப்பட்டுள்ளார்.
நகக்காயங்களுக்கு உள்ளான பெண், வாழைச்சேனை வைத்தியசாலையில் இரண்டாம் இலக்க
வார்ட்டில் சிகிச்சைகளுக்காக அனுமதிக்கப்பட்டுள்ளார். பதற்ற நிலையையடுத்து
வாழைச்சேனை பிரதேசத்தில் கடைகள் மூடப்பட்டதோடு இயல்பு நிலை பாதிக்கப்பட்டது.
இச்சம்பவம் தொடர்பாக விபரித்த பாதிக்கப்பட்ட பெண், “முகமெல்லாம் கறுப்புப் பூசிய
ஒருவர் நான் தனியாகச் செல்லும்போது. எங்க போaங்க என்று என்னிடம் கேட்டார். நான்
அவரைப் பார்த்து பயந்து தப்பியோட முயல்கையில் அவர் என்னை ஒரு கையால் பிடித்து
இழுத்தார். நான் எனது மற்றக்கையால் தட்டிவிட்டு தப்பியோடி வந்தேன். என்னுடைய
இடக்கையின் மேலே நகத்தால் கீறப்பட்டுள்ளது. இரத்தமும் வந்தது. என் கையெல்லாம்
கறுப்பு கிaஸ் ஒட்டியிருந்தது” என்றார்.
குறித்த கிaஸ் மனிதன் சாம்பல் நிறத்தினாலான ரீஷேர்ட்டும் கறுப்பு நிற கோடுகள்
இடப்பட்ட அரைக்காற்சட்டையும் அணிந்திருந்ததுடன், அவருக்கு அருகில் அதேபோன்று
முகமெல்லாம் கறுப்புப்பூசி பழுப்பு மஞ்சள் நிறத்திலான ரீஷேர்ட்டுடன் மற்றுமொருவர்
காணப்பட்டதாகவும் அப்பெண் கூறினார்.
இந்தச் சம்பவங்களை கேள்வியுற்ற முன்னாள் அமைச்சர் எம். எஸ். எஸ். அமீர் அலி
ஸ்தலத்துக்கு விரைந்ததோடு பதற்ற நிலையை தணிக்கும் முயற்சிகளில் இறங்கினார்.
பொலிசாரின் அடாவடித்தனங்களைக் கண்டித்த அவர், பொதுமக்களை அமைதி காக்குமாறு கோரினார்.
அதேநேரம், வாழைச்சேனையில் நிலவும் பதற்றம் உடனடியாக கட்டுப்பாட்டுக்குள்
கொண்டுவரப்பட வேண்டுமெனவும், கைதுசெய்யப்பட்டவர்கள் சட்டத்தின் முன் நிறுத்தப்பட
வேண்டுவதுடன், பொதுமக்களுக்கு எவ்வித பாதிப்புக்களும் ஏற்படக்கூடாது என பிரதிப்
பொலிஸ்மா அதிபரிடம், மகZர் மற்றும் சிறுவர் மேம்பாட்டுத்துறை பிரதியமைச்சர் எம். எல்.
ஏ. எம். ஹிஸ்புல்லா தொடர்புகொண்டு கேட்டிருந்தார்.
கிaஸ் மனிதன் விடயத்தில் அரசாங்கத்துக்கு அவப்பெயர் ஏற்படுத்தும் வகையில் தவறான
பிரசாரங்கள் முன்னெடுக்கப்பட்டு வருவதால், உடனடியாக இப்பிரச்சினைக்குத்
தீர்வுகாணப்பட வேண்டுமென அவர் கேட்டுள்ளார்.
மர்ம மனித விவகாரத்தில் பொலிஸார் நடந்துகொண்ட முறைமை கண்டிக்கத்தக்கது என கிழக்கு
மாகாணசபை சுகாதார அமைச்சர் எம். எச். சுபைர் வெளியிட்டிருக்கும் அறிக்கையில்
குறிப்பிட்டுள்ளார்.