பேய் வீட்டின் விநோதமான நிகழ்வுகளால் மக்கள் அச்சம்

பாலிந்தநுவர பிரதேசத்தில் அடுத்துள்ள பதுரலிய அரசாங்க வைத்தியர்களின் விடுதிகள்
இன்று கவனிப்பார் அற்ற நிலையில் பாழடைந்து கிடக்கின்றன. இந்த விடுதிகளுக்கு முன்னர்
மின்சார விநியோகமும், நீர் விநியோகமும் தொலைபேசி வசதிகளும் செய்து
கொடுக்கப்பட்டிருந்தது.
இந்த விடுதிகள் ஏதோ ஒரு காரணத்தினால் எந்தவொரு அரசாங்க திணைக்களத்தினாலும்
பராமரிக்கப்படாது இன்று பாழடைந்த பேய்கள் குடியிருக்கும் இடமாக மாறியிருக்கிறது
என்று அப்பிரதேச மக்கள் அச்சம் கொண்டுள்ளார்கள். அங்கு பேய்கள் மட்டுமல்ல,
நச்சுப்பாம்புகள், நரிகள் போன்ற கொடிய பிராணிகளும் குடியிருப்பதாகவும் அவர்கள்
கூறுகிறார்கள்.
இரவு நேரத்தில் இந்த விடுதிப்பக்கமாக மக்கள் செல்வதற்கும் அஞ்சுகிறார்கள். இன்று அது
ஒரு பெரிய காட்டில் இருக்கும் பாழடைந்த பங்களாவைப் போன்று காட்சியளிக்கிறது. இரவு
நேரத்தில் அங்கு பேய்கள் நடமாடுவதாக நம்பகரமான வதந்திகளும்,
பரவியிருக்கின்றன.இதுபற்றி அப்பிரதேசத்தின் சில துணிச்சலான இளைஞர்கள் புலன்விசாரணை
செய்த போது அவ்விடம் இரவில் விபசார விடுதியாகவும், சூதாடுபவர்களின் சொர்க்கமாகவும்
மாறியிருக்கின்ற உண்மை தெரியவந்துள்ளது.
பகல் பொழுதிலும், பாழடைந்த இந்தக் கட்டிடத்தில் இந்த சமூக விரோத நடவடிக்கைகள்
இடம்பெறுவதையும் அங்கு மதுமயக்கத்தில் உள்ளவர்கள் விழுந்து கிடப்பதையும்,
பிச்சைக்காரர்கள் அதனை தங்கள் வசிப்பிடமாக வைத்திருப்பதையும் அவர்கள் தங்கள்
புலகாய்வின் மூலம் கண்டுபிடித்துள்ளார்கள். இன்று நாடெங்கிலும் இடம்பெற்று வருவதாகக்
கூறப்படும் கிaஸ் பூசிய மர்மமனிதர்கள் என்ற போர்வையில் நடமாடும் திருட்டுக்
கும்பல்களும், இவ்விடத்திலிருந்தே செயற்படுவதையும் அவர்கள் தெரிந்து
வைத்திருக்கிறார்கள்.
பதுளை பிரதேசத்தில் கிaஸ் பூசிய மர்ம மனிதர்களை மடக்கிப் பிடிப்பதற்கு இப்போது
தீவிர வேட்டையில் ஈடுபட்டுள்ள விசேட அதிரடி பொலிஸ் படையைச் சேர்ந்த ஒரு உயரதிகாரி,
இது ஒரு திட்டமிட்ட கொள்ளை கோஷ்டியின் செயற்பாடு என்றும், இவர்களை நாம்
கூடியவிரைவில் கைது செய்து தண்டிப்போம் என்றும் எமது நிருபரிடம் தெரிவித்தார்.