தமிழக முன்னாள் ஆளுநர் அலெக்சாண்டர் காலமானார்

தமிழக முன்னாள் ஆளுநர்
அலெக்சாண்டர் காலமானார்




சென்னை:

தமிழக முன்னாள் ஆளுநர் பி.சி. அலெக்சாண்டர் உடல் நலக்குறைவால் நேற்று சென்னையில்
உள்ள தனியார் மருத்துவ மனையில் மரண மடைந்தார்.
இந்திரா காந்தியின் தனிச் செயலாளராக பணியாற்றி வந்த பி.சி. அலெக்சாண்டர், இந்திரா
மறைவுக்குப் பின்னர், பலரும் பிரதமர் பதவிக்கு முட்டி மோதிக் கொண்டிருந்தபோது ராஜீவ்
காந்தியை பிரதமராக்க கடுமையாக பாடுபட்டவர்களில் முக்கியமானவர் என்பது
குறிப்பிடத்தக்கது.
மேலும் தமிழகத்தில் பெரும்அரசியல் சூறாவளி வீசிக் கொண்டிருந்த காலகட்டத்தில் தனது
நம்பிக்கைக்குப் பாத்திரமான அலெக்சாண்டரை ராஜீவ் காந்தி தமிழக ஆளுநராக்கினார்.
பி.சி. அலெக்சாண்டர் சமீப காலமாக உடல் நலக்குறைவால் பாதிக்கப்பட்டிருந்தார்.
இதையடுத்து சென்னை முகப்பேரில் உள்ள தனியார் மருத்துவமனையில் அவர் சிகிச்சைக்காக அனு
மதிக்கப்பட்டிருந் தார். அங்கு சிகிச்சை பல னின்றி நேற்றுக் காலை மரணமடைந்தார்.
அவருக்கு வயது 90 ஆகும்.
பதிஞ்சரெதலகல் செரியன் அலெக் சாண்டர் எனப்படும் பி.சி. அலெக்சாண்டர் மத்திய அரசு
பணியில் இருந்து வந்தவர். பல்வேறு முக்கிய பொறுப்புகளை இவர் வகித்துள்ளார்.
மத்திய வர்த்தகத் துறை, ஐ.நா. அவை உள்ளிட்ட பல்வேறு முக்கிய பொறுப்புகளை
வகித்துள்ளார்.
எப்படி இந்திரா காந்தியின் நம்பிக்கைக்குப் பாத்திரமாக திகழ்ந்தாரோ அதேபோல் ராஜீவ்
காந்தியிடமும் நல்ல உறவை பேணிக் காத்தார் அலெக்சாண்டர்.
இதன் பயனாகத்தான் தமிழகத்தில் எம்.ஜி.ஆர். மறைவுக்குப் பின்னர் பெரும் அரசியல்
சூறாவளி வீசிக் கொண்டிருந்த காலகட்டத்தில், ராஜீவ் காந்தியால் தமிழக ஆளுநராகப்
பணியமர்த்தப்பட்டார் அலெக்சாண்டர்.

:!#: