யுத்தத்தின் போது ஒத்துழைப்பு வழங்கியதற்கு ஜனாதிபதி சீனாவுக்கு நன்றி தெரிவித்துள்ளார்

பயங்கரவாதத்திற்கு எதிரான யுத்தத்தின் போது வழங்கிய ஒத்துழைப்புக்காக இலங்கை மக்கள் சீனாவுக்கு நன்றிகளை தெரிவிப்பதாக ஜனாதிபதி மஹிந்த ராஜாக்ஸ தெரிவித்துள்ளார்.


சீனத் தலைநகர் பீஜீங்கிலுள்ள சர்வதேச கற்கைநெறிகளுக்கான பல்கலைக்கழகத்தினால் ஜனாதிபதி மஹிந்த ராஜபக்ஸவுக்கு இன்று காலை கௌரவ கலாநிதி பட்டம் வழங்கப்பட்டுள்ளது.

சமாதானம் மற்றும் நல்லியக்கத்தை ஏற்படுத்தியமை பயங்கரவாதத்தை முஇடிவுக்கு கொண்டுவந்து ,அனைத்து இன மக்களும் வாழ்வதற்கேற்ப சூழலை உருவாக்கியமை மற்றும் இரு நாடுகளுக்கும் இடையிலான நற்புறவை கட்டியெழுப்பியமை ஆகிய நடவடிக்கைகளை பாராட்டும் வகையால் ஜனாதிபதிக்கு இந்த கலாநிதி பட்டம் வழங்கப்பட்டுள்ளதாக ஜனாதிபதியின் ஊடகப் பிரிவு தெரிவித்துள்ளது.

இதன் போது கருத்து வெளியிட்ட ஜனாதிபதி மக்களின் கலாச்சாரங்கள் போன்றே அவர்களின் பாரம்பரிய விழுமியங்கள் மற்றும் எதிர்பார்ப்புக்கள் தொடர்பில் நல்லியக்கத்துடன் செயற்படுத்துவதன் மூலம் பொருளாதார அபுவிருத்தியை பெற்றுக்கொள்ள முடியும் என சுட்டிக்காட்டப்பட்டுள்ளது.

பயங்கரவாதம் முடிவுக்கு கொண்டு வரப்பட்டதை அடுத்து துரித பொருளாதார அபிவிருத்திக்கு ஒத்துழைப்பு வழங்கும் வகையில் நாட்டின் உட்கட்டைப்பு வசதிகளை மேம்படுத்துவதில் சீனா குறிப்பிடத்தக்க பங்களிப்பை வழங்குவதாகவும் ஜனாதிபதி கூறியுள்ளார்.

இதேவேளை பீஜிங்கிலுள்ள சர்வதேச கற்கைகளுக்கான பல்கலைக்கழகத்தின் இலங்கையின் ஆய்வு நிலையத்தையும் ஜனாதிபதி மஹிந்த ராஜபக்ஸ இன்று திறந்து வைத்தார்.

இதன் போது இலங்கை கல்வி நிலையத்தின் கௌரவ தலைவர் பதவி ஜனாதிபதிக்கு வழங்கப்பட்டுள்ளது.

கற்கைகளுக்கான பல்கலைக்கழகத்தில் சிங்கள மொழியை கற்கும் சீன மாணவர்களுடன் சிநேகபூர்வ கலந்துரையாடலில் ஈடடுபட்ட ஜனாதிபதி சீனாவுக்கும் இலங்கைக்கும் இடையிலான நற்புறவை பிரதிபளிக்கும் வகையில் மரக்கன்று ஒன்றையும் பல்கலைக்கழ வளாகத்தில் நாட்டினார்.