பெண்களை விட, ஆண்கள் இரண்டு மடங்கு பேர் தங்கள் உயிரை மாய்த்துக் கொள்கின்றனர்

தமிழகத்தில் கடந்த ஏழு ஆண்டுகளாக, பல்வேறு காரணங்களுக்காக தங்கள்
உயிரை மாய்த்து கொள்பவர்கள் எண்ணிக்கை தொடர்ந்து அதிகரித்து வருகிறது.


இதில், தலைநகரான சென்னை, முதலிடத்தில் இருந்து வருவது வருந்தத்தக்க விஷயமாக உள்ளது. பரீட்சையில் தோல்வி; மாணவி தற்கொலை, கணவனுடன் தகராறு; மனைவி தற்கொலை, காதல் விவகாரம்; இளம் பெண் தீக்குளிப்பு, கடன் தொல்லை; குடும்பமே விஷம் குடித்து தற்கொலை என்று, தினசரி ஏதேனும் ஒரு வகையில் தற்கொலை செய்திகளை, பத்திரிகைகள் வாயிலாக நாம் அறிய முடிகிறது. நாம் இனி என்ன செய்ய முடியும் என்ற விரக்தி; வாழ்க்கையில் வெறுப்பு; இவை, எந்த ஒரு மனிதனையும், தன் உயிரை தானே அழித்துக் கொள்ள துணியச் செய்கிறது.

நமக்கு மிஞ்சிய சக்தி ஒன்று, நம்மை இந்த உலகில் ஏதேனும் ஒரு முக்கிய செயலுக்காக படைத்திருக்கும் போது, அந்த உயிரை அழிப்பதற்கு நாமே முடிவெடுப்பது எவ்வளவு பெரிய பைத்தியக்காரத் தனம் என்பது யாரும் அறிந்திருக்கவில்லை என்றே சொல்ல முடியும். மனதளவில் தைரியத்தை தொலைத்தவர்கள், மனக்குழப்பத்தில் இருப்பதுடன், தனிமையில் இருப்பவர்கள் இது போன்ற முடிவை தேடிக்கொள்கின்றனர் என்கிறது, மனோதத்துவ டாக்டர்கள் தரப்பு.

பொதுவாக, தற்கொலை செய்து கொள்பவர்களின் எண்ணிக்கையில், இலகுவான மனம் படைத்த பெண்கள் தான் அதிகம் என்று அனைவரும் நினைக்கலாம். ஆனால், நடப்பது தலை கீழ். தற்கொலை செய்து கொள்வதில், திட மனம் படைத்த, தைரிய சாலிகளான ஆண்களே அதிகம் என்பது, வழக்குப் பதிவுகளின் மூலம் தெரியவந்துள்ளது. பெண்களை விட, ஆண்கள் இரண்டு மடங்கு பேர் தங்கள் உயிரை மாய்த்துக் கொள்கின்றனர் என்பது குறிப்பிடத்தக்கது. கடந்த 2010ம் ஆண்டில் மட்டும், 10 ஆயிரத்து 552 ஆண்கள் தற்கொலை செய்து கொண்டுள்ளனர். ஆனால், அதே ஆண்டில் தற்கொலை செய்து கொண்ட பெண்களின் எண்ணிக்கை, 6,009 பேர் மட்டுமே. கடந்த பல ஆண்டுகளாக இதே நிலையே நீடித்து வருகிறது.

:”@: