இறைவனை வணங்குகிறேன்

இறைவனை வணங்குகிறேன், அவனது அடியானாக இருக்கிறேன், முழுநேரமும் இறைப்பணிக்கே செலவிடுகிறேன்' என்று சொல்லிக்கொண்டு, குடும்பத்தில் நம்மை நம்பியிருப்பவர்களைக் கைவிட்டு விடுவதில் இஸ்லாமுக்கு உடன்பாடு இல்லை.

திருக்குர்ஆன் இதுபற்றி கூறும்போது "தொழுகை முடிந்தவுடன் இறைவனின் பூமியில் பரந்து விடுங்கள். இறைவன் தன் பூமியில் வைத்திருக்கின்ற வாழ்வாதாரங்களை அடைந்து கொள்ளுங்கள். அதிலிருந்து முழுபலன்களை அடையுங்கள். தம் பங்கிற்காக வாழ்வாதாரத்தைத் தேடுவதில், உங்கள் ஆற்றல்கள் அனைத்தையும் செலவிடுவதில் எந்தக் குறைபாடும் வைக்காதீர்கள். காரணம், தம் தேவைகளுக்காக மற்றவர்களைச் சார்ந்திருப்பது, ஓர் இறை நம்பிக்கையாளனுக்கு ஏற்ற செயல் அல்ல. அதேபோல், தம்மைச் சார்ந்தவர்களின் தேவைகளை நிறைவேற்றுவதில் குறைபாடு வைத்து, அவர்களைக் கவலையிலும் நிராசையிலும் ஆழ்த்திவிடுவதும் ஏற்ற செயல் அல்ல" என்கிறது.

அதாவது, உலக இன்பங்கள் என்பவையும் தேவை தான். ஆனால், அது நாம் வணங்கும் இறைவனையே அலட்சியப்படுத்தும் அளவுக்குப் போய்விடக்கூடாது. இறைத்தொண்டுடன் கடமையையும் செய்யப் பழகுங்கள்.

மனம் புண்படாமல் பேசுவோமே!

பிறர் மனம் புண்படாமல் பேச வேண்டியது அவசியக்கடமைகளில் ஒன்று. "உம் இறைவனின் அருளை நீர் விரும்பி எதிர்பார்த்துக் கொண்டிருக்கும் நிலையில், அவர்களை (உங்கள் உறவினர்கள், ஏழைகள் மற்றும் வழிப்போக்கர்கள்) நீர் புறக்கணிக்க நேரிட்டால், அவர்களுக்கு இதமாகப் பதில் சொல்வீராக!' என்கிறது குர்ஆன்.

இதன் பொருளைத் தெரிந்து கொள்ளுங்கள். யாராவது உங்களிடம் ஒரு உதவி கேட்கிறார்கள். ஏதோ ஒரு சூழலில் அதை உங்களால் செய்ய முடியவில்லை என்றால், அவர்களிடம் எரிந்து விழக்கூடாது. வாசலில் பிச்சை எடுப்பவர் கள் வந்து நின்று, ஏதாவது கேட்டு, நம்மால் கொடுக்க முடியாத நிலை இருந்தால், அவர்களை விரட்டக்கூடாது.

"இப்போது என்னிடம் எதுவுமில்லை, பிறகு பார்க்கலாம்' என பண்போடு எடுத்துச்சொல்லி அனுப்ப வேண்டும். அவர்கள் நம்மைத் தொந்தரவு செய்தாலும் கூட, பொறுமை காப்பதையே அல்லாஹ் விரும்புகிறான்.

ஒரு சிலருக்கு தானம் கொடுக்குமளவுக்கு சக்தியிருக்கும். அவர்கள் தானமும் செய்வார்கள். தானம் கொடுக்கும்போதே, ""பார்த்தாயா! நான் உனக்கு எவ்வளவு பெரிய உதவி செய்திருக்கிறேன்.

என்னைப் போல இந்த உலகத்தில் யார் தர்மம் செய்கிறார்கள் என்றோ, "டேய், நான் செஞ்ச இந்த உதவியை மறந்திடாதே. எனக்கு சாதகமாகத் தான் நீ இருக்கணும்,'' என்று நிர்ப்பந்திப்பதோ கூடாது. அதாவது, தர்மத்தின் பெயரால் மற்றவர்களை விலைக்கு வாங்கும் போக்கு இருந்தால், தர்மம் செய்ததின் பலனை அடைய முடியாது. பலனை எதிர்பாராமல் தானம் செய்வீர்களா?

சில முக்கிய வார்த்தைகள்:

இஸ்லாம் மக்கள் இறைவனை வணங்கும் போது பயன்படுத்தும் சில முக்கிய வார்த்தைகளுக்கான பொருள் உங்களுக்குத் தெரியுமா?

ஸுப்ஹானல்லாஹ்- அல்லாஹ்வை தூய்மைப் படுத்துகிறேன்

அல்ஹம்துலில்லாஹ்- புகழனைத்தும் இறைவனுக்கே

அல்லாஹூ அக்பர்- அல்லாஹ் மிகப்பெரியவன்

அதாவது, உலக இன்பங்கள் என்பவையும் தேவை தான். ஆனால், அது நாம் வணங்கும் இறைவனையே அலட்சியப்படுத்தும் அளவுக்குப் போய்விடக்கூடாது. இறைத்தொண்டுடன் கடமையையும் செய்யப் பழகுங்கள்.
##* :”@:

அருமையான பதிவு தோழரே .தந்து பகிர்ந்தமைக்கு நன்றி .
இன்னொன்று தோழரே ,இஸ்லாம் ,துறவி கொள்வதை அடியோடு
வெறுக்கிறது !

நண்பன் wrote:அதாவது, உலக இன்பங்கள் என்பவையும் தேவை தான். ஆனால், அது நாம் வணங்கும் இறைவனையே அலட்சியப்படுத்தும் அளவுக்குப் போய்விடக்கூடாது. இறைத்தொண்டுடன் கடமையையும் செய்யப் பழகுங்கள்.
##* :”@:

@. @.

திருக்குர்ஆன் இதுபற்றி கூறும்போது "தொழுகை முடிந்தவுடன் இறைவனின் பூமியில் பரந்து விடுங்கள். இறைவன் தன் பூமியில் வைத்திருக்கின்ற வாழ்வாதாரங்களை அடைந்து கொள்ளுங்கள். அதிலிருந்து முழுபலன்களை அடையுங்கள். தம் பங்கிற்காக வாழ்வாதாரத்தைத் தேடுவதில், உங்கள் ஆற்றல்கள் அனைத்தையும் செலவிடுவதில் எந்தக் குறைபாடும் வைக்காதீர்கள்.
நல்ல கருத்தினை பதிவிட்டிருக்கும் தோழர் ரவிக்கு பாராட்டுக்கள் :!@!:

துறவி கொள்வதை அடியோடு .......கவி நண்பா....
வாழ தெரியாமல் வாழ்ந்து, தோல்விமேல் தோல்வி கண்டு, குடும்பத்தை விட்டு வெறுப்புற்று ஓடி விட்டு, சந்நியாசி என்றும் துறவி என்றும் (போலிகள்) கூறுவோரை நினைக்கும் போது நெஞ்சு பொறுக்குதில்லையே...i

mravi wrote:துறவி கொள்வதை அடியோடு .......கவி நண்பா....
வாழ தெரியாமல் வாழ்ந்து, தோல்விமேல் தோல்வி கண்டு, குடும்பத்தை விட்டு வெறுப்புற்று ஓடி விட்டு, சந்நியாசி என்றும் துறவி என்றும் (போலிகள்) கூறுவோரை நினைக்கும் போது நெஞ்சு பொறுக்குதில்லையே...i

@. @. :”@: :!@!: