திருவெண்ணைநல்லூர் அருகே தண்டவாளத்தில் திடீர் விரிசல்: அனந்தபுரி எக்ஸ்பிரஸ் ரெயில் தப்பியது

திருவெண்ணைநல்லூர், ஆக.13-


கேரள
மாநிலம் திருவனந்தபுரத்தில் இருந்து அனந்தபுரி எக்ஸ்பிரஸ் ரெயில் பயணிகளை
ஏற்றிக் கொண்டு சென்னைக்கு புறப்பட்டு வந்தது. இன்று காலை 6 மணியளவில் அந்த
ரெயில் விழுப்புரம் அருகே திருவெண்ணைநல்லூரை அடுத்த ஆலங்குப்பம் ரெயில்
நிலையம் அருகே வந்தபோது தண்டவாளத்தில் விரிசல் ஏற்பட்டுள்ளதை ரெயில்
என்ஜின் டிரைவர் உணர்ந்தார்.

உடனடியாக ரெயிலை
நிறுத்தி ஆலங்குப்பம் ரெயில் நிலையத்துக்கு தகவல் தெரிவித்தார். இதைத்
தொடர்ந்து விழுப்புரம் ரெயில்வே அதிகாரிகளுக்கு தகவல்
தெரிவிக்கப்பட்டதையடுத்து ரெயில்வே ஊழியர்கள் சம்பவ இடத்துக்கு விரைந்து
வந்தனர்.

அவர்கள் தண்டவாளத்தில் ஏற்பட்ட விரிசலை
சரிசெய்யும் பணியில் ஈடுபட்டனர். தற்காலிகமாக தண்டவாளம் சரி செய்யப்பட்டது.
அதன்பின்னர் சுமார் 30 நிமிட தாமதத்துக்கு பிறகு அனந்தபுரி எக்ஸ்பிரஸ்
ரெயில் அங்கிருந்து புறப்பட்டு சென்றது.

ரெயில்
என்ஜின் டிரைவர் தண்டவாளத்தில் ஏற்பட்ட விரிசலை கண்டறிந்ததால்
அதிர்ஷ்டவசமாக அனந்தபுரி எக்ஸ்பிரஸ் ரெயில் விபத்தில் இருந்து தப்பியது.

சமயோகிதமான ட்ரைவர் இப்படி பட்டவர்களை பாராட்டுவதோடு நில்லாமல் நல்ல பரிசு வழங்கி கவுரவிக்க வேண்டும்

jasmin wrote:சமயோகிதமான ட்ரைவர் இப்படி பட்டவர்களை பாராட்டுவதோடு நில்லாமல் நல்ல பரிசு வழங்கி கவுரவிக்க வேண்டும்