அரசு அலுவலக உதவியாளருக்கு தொழில் வரி வசூலிக்க இடைக்கால தடை; ஐகோர்ட்டு உத்தரவு

by **நண்பன்** Sat 13 Aug 2011 - 10:11

சென்னை, ஆக 13-

தமிழ்நாடு
அரசு அலுவலக உதவியாளர்கள் மற்றும் அடிப்படை பணியாளர்கள் மாநில மைய
சங்கத்தின் சார்பாக சென்னை ஐகோர்ட்டில் தொழில் வரியை ரத்து செய்யக்கோரி ஒரு
வழக்கு தொடரப்பட்டது.

தமிழக அரசில் பணி புரியும்
துணை செயலாளர்கள் உதவி செயலாளர்கள் ஆண்டு சம்பளம் ரூ.8 லட்சத்து 37
ஆயிரத்து 344 ஆகும். அவர்களுக்கு அரையாண்டு தொழில் வரியாக ரூ.1095 வசூலிக்
கப்படுகிறது.

அரசு அலுவலகத்தில் கடை நிலை ஊழியராக
பணியாற்றும் அலுவலக உதவியாளர்கள் மற்றும் அடிப்படை பணியாளர்கள் ஆண்டு
சம்பளமாக ஒரு லட்சத்து 54 ஆயிரத்து 116 பெறுகிறார்கள். இவர்களிடம்
இருந்தும் அரையாண்டு தொழில் வரியாக ரூ.1095 வசூலிக்கப்படுகிறது.

அலுவலக
உதவியாளர்களுக்கும் அரசு உயர் அதிகாரிகளுக்கும் அரையாண்டு தொழில் வரியாக
ரூ.1095 பிடித்தம் செய்வது எந்த விதத்தில் நியாயம் இந்த முரண்பாட்டை களைய
வேண்டும் என்று சங்கத் தின் சார்பில் வக்கீல் சிங்கார வேலன்
எடுத்துரைத்தார்.

ஐகோர்ட்டு பெஞ்ச் நீதிபதிகள்
தர்மாராவ், வேணு கோபால் ஆகியோர் முன்னிலையில் விசாரணைக்கு வந்த இந்த
வழக்கில் அரசு அலுவலக உதவியாளர்கள் மற்றும் அடிப்படை பணியா ளர்களுக்கு
தொழில் வரி வசூலிக்க இடைக்கால தடை விதித்து உத்தரவிட்டனர். இந்த உத்தரவால்
லட்சக்கணக்கான ஊழியர்கள் பலன் அடைவர்.