வரலாற்றில் இன்று - August 13

by **நேசமுடன் ஹாசிம்** Sat 13 Aug 2011 - 13:34

மத்திய ஆபிரிக்கக் குடியரசு - விடுதலை நாள்
அனைத்துலக இடக்கையாளர் நாள்
கிமு 3114 - மாயா நாட்காட்டி தொடங்கப்பட்டது.
1415 - நூறு ஆண்டுப் போர்: இங்கிலாந்தின் ஐந்தாம் ஹென்றி மன்னன் 8000 பேருடன் பிரான்சை அடைந்தான்
1516 - புனித ரோமப் பேரரசன் ஐந்தாம் சார்ல்ஸ் நேப்பில்சையும் பிரான்சின் முதலாம் பிரான்சிஸ் மிலானையும் உரிமை கொண்டாட இரு நாடுகளுக்கும் இடையில் உடன்பாடு எட்டப்பட்டது
1849 - யாழ்ப்பாணம் பதில் மறை மாவட்டம் நிறுவப்பட்டது.
1913 - ஹரி பிறியர்லி துருப்பிடிக்காத எஃகுவைக் கண்டுபிடித்தார்.
1920 - போலந்து - சோவியத் ஒன்றியம் போர் ஆரம்பமாயிற்று. ஆகஸ்ட் 25 இல் முடிவடைந்த இப்போரில் செம்படையினர் தோற்றனர்.
1937 - ஷங்காய் சமர் ஆரம்பமானது.
1954 - பாகிஸ்தான் தனது தேசிய கீதத்தை முதன் முறையாக வானொலியில் ஒலிபரப்பியது.
1960 - மத்திய ஆபிரிக்கக் குடியரசு பிரான்சிடம் இருந்து விடுதலையை அறிவித்தது.
1961 - ஜெர்மன் நகரான பெர்லின் இரண்டாகப் பிரிக்கப்பட்டு நடுவில் முள் வேலி அமைக்கப்பட்டது. பிறகு முள்வேலி அகற்றப்பட்டு பெர்லின் சுவர் எழுப்பப்பட்டது. அது பல ஆண்டுகள் கிழக்கு ஜெர்மனியர்களின் அடிமைச் சங்கிலியாகத் திகழ்ந்தது. அந்தச் சுவர் 1989ஆம் ஆண்டில் ஐரோப்பியக் கம்யூனிசம் அழிந்த போது தகர்க்கப்பட்டது
2004 - கறுப்பு வெள்ளி: மாலைதீவுகள் தலைநகர் மாலேயில் இடம்பெற்ற அமைதியான அரச எதிர்ப்புப் போராட்டம் இராணுவத்தினரால் முறியடிக்கப்பட்டது.
2004 - புருண்டியில் கடும்பா அகதிகள் முகாமில் இருந்த 156 டூட்சி இன அகதிகள் படுகொலை செய்யப்பட்டனர்.
2004 - 28வது ஒலிம்பிக் விளையாட்டுக்கள் ஏதென்ஸில் ஆரம்பமாயின.
2006 - யாழ்ப்பாணம் அல்லைப்பிட்டி தேவாலயத்தின் மீது இலங்கை இராணுவத்தினரின் எறிகணைவீச்சில் பல பொதுமக்கள் கொல்லப்பட்டனர்.