நடிகர் ஷம்மி கபூர் மரணம்

மும்பை : பாலிவுட் பிரபல நடிகர் ஷம்மி கபூர் இன்று காலை காலாமானார். உடல்நல குறைவு காரணமாக மருத்துவமனையில் சிகிச்சை பெற்று வந்த அவர் மும்பையில் உள்ள தனியார் மருத்துவமனையில் அனுமதிக்கப்பட்டிருந்தார்.

இந்திப் படஉலகில் முடி சூடா மன்னர்களாக கொடி கட்டிப்பறந்தவர்கள்
ராஜ்கபூர், ஷம்மிகபூர், சசிகபூர் சகோதரர்கள். இந்திய சினிமாவின்
முன்னோடியான பிருதிவிராஜ் கபூரின் மகன்கள் ஆவார்கள். ராஜ்கபூர் சில
வருடங்களுக்கு முன் இறந்து விட்டார்.

ஷம்மிகபூர்
திரைப்படங்களில் நடிப்பதை நிறுத்தி விட்டு விளம்பர படங்களில் நடித்து
வந்தார். 79 வயதாகும் ஷம்மிகபூருக்கு சிலநாட்களுக்கு முன் சிறுநீரக
கோளாறுஏற்பட்டது. உடல் நிலை பாதிக்கப்பட்ட அவர் கடந்த வாரம் மும்பை பிரீச்
கேண்டி ஆஸ்பத்திரியில் அனுமதிக்கப்பட்டார்.

தீவிர
சிகிச்சை பிரிவில் வைத்து டாக்டர்கள் கவனித்து வந்தனர். மூச்சு திணறல்
ஏற்பட்டதால் செயற்கை சுவாசம் அளிக்கப்பட்டது. டயாலிசிஸ் சிகிச்சையும்
அளிக்கப்பட்டு வந்தது. மருத்துவ கருவிகள் உதவியுடன் அவரது உடல் உறுப்புகள்
இயங்கியது. என்றாலும் உடல்நிலை தேறவில்லை.

இன்று
அதிகாலை ஷம்மி கபூர் அபாயகட்டத்தை அடைந்தார். டாக்டர்கள் அவரது உயிரை
காப்பாற்ற போராடினார்கள். என்றாலும் சிகிச்சை பலனின்றி அதிகாலை 5.15
மணிக்கு மரணம் அடைந்தார்.

ஷம்மிகபூர் மரணம் அடைந்த
தகவல் கேட்டு இந்திபட உலகினர் அதிர்ச்சி அடைந்தனர். நடிகர் அமிதாப்பச்சன்
இரங்கல் செய்தி வெளியிட்டுள்ளார். ஷம்மி கபூர் உடல் ஆஸ்பத்திரியில் இருந்து
வீட்டுக்கு எடுத்துச் செல்லப்பட்டது. அங்கு அவரது உடலுக்கு திரை உலகினர்
கண்ணீர் அஞ்சலி செலுத்தி வருகிறார்கள்.

ஷம்மிகபூர்
1931-ம் ஆண்டு அக்டோபர் 21-ந் தேதி மும்பையில் பிறந்தார். இவரது குடும்பம்
பஞ்சாபி கட்டாரி இனத்தைச் சேர்ந்த பாரம்பரியமிக்கது. இந்திய சினிமாவின் தலை
நகராக கொல்கத்தா விளங்கிய போது தந்தை பிருதிவி ராஜ்கபூர் கொல்கத்தாவில்
தியேட்டர்களையும், ஸ்டூடியோக்களையும் நிறுவி இந்தி சினிமா படங்களில்
நடித்து வந்தார். இதனால் ஷம்மி கபூர் இளம் வயதில் கொல்கத்தாவில்
வளர்ந்தார். அங்குள்ள கிண்டர் கார்டன் பள்ளியில் படித்தார். பின்னர் கபூர்
குடும்பம் மும்பைக்கு வந்தது.

மும்பை வடலாவில்
ஜோசப் கான்வென்ட்டிலும், டான்பாஸ்கோ பள்ளியிலும் ஆரம்ப கல்வி பயின்றார்.
பின்னர் தந்தை சகோதரர் வழியில் சினிமாவில் நுழைந்தார். 1953-ம் ஆண்டு ஜீவன்
ஜோதி இந்திப்படத்தில் முதன் முதலாக நடித்தார். தும்சா நகின் தேக்கா, தில்
தேகே தேகா, கங்ரீ, தில் தேரா திவானா, புரபசர், சைனா டவுன், ராஜ்குமார்,
காஷ்மீர் கி காளி, ஜன்வார், தீஸ்ரி மஞ்சில், ஆன் ஈவினிங் இன் பாரீஸ்,
பிரம்மச்சாரி, அன்தாங், விதாதா போன்ற படங்கள் ஷம்மிகபூர் நடித்த காலத்தால்
அழிக்க முடியாத காவியங்கள் ஆகும்.

1968-ம் ஆண்டு
பிரம்மச் சாரி படத்தின் மூலம் சிறந்த நடிகருக்கான பிலிம்பேர் விருது
பெற்றார். 1982-ம் ஆண்டு வதாதா படத்துக்காக சிறந்த குணச்சித்திர
நடிகருக்கான பிலிம்பேர் விருது பெற்றார். 1955-ம் ஆண்டு ரங்கீன் ராதேன்
படப்பிடிப்பில் நடிகை கீதாபாலியை ஷிம் மிகபூர் சந்தித்தார். அப்போது
இருவருக்கும் காதல் ஏற்பட்டு மும்பை கோவிலில் ரகசிய திருமணம் செய்தார்.

திருமணத்துக்கு
சாட்சியாக இருந்த ஹரி வாலியா என்பவர் இவர்களது ரகசிய திருமணத்தை
பெற்றோருக்கு தெரியப்படுத்தி அவர்களது சம்மதத்தை பெற்றுக் கொடுத்தார்.
ஷம்மி கபூரும், கீதாபாலியும் தனிக் குடித்தனம் நடத்தி வந்தனர். இவர்களுக்கு
ஆதித்யா ராஜ்கபூர் என்ற மகனும், காஞ்சன் என்ற மகளும் உள்ளனர்.

1965-ம்
ஆண்டு கீதாபாலி சின்னம்மை நோய் தாக்கி இறந்தார். அதன் பிறகு 1969-ம் ஆண்டு
குஜராத் பவ நகரைச் சேர்ந்த பெரும் செல் வந்தரின் மகளான நீலா தேவியை 2-வது
திருமணம் செய்தார். அவரை மணந்த பின்பு இந்திப்படங்களில் ஷம்மி கபூர்
ரொமான்டிக் ஹீரோவாக கொடி கட்டிப் பறந்தார். ஷம்மி கபூர் இறந்த போது
ஆஸ்பத்திரியில் அவரது உடல் அருகே இருந்த மனைவி நீலாதேவியும், மகன்-மகளும்
கதறி அழுதனர்

சினிமா குடும்பத்தில் பெரிய இழப்புதான்

:!#: