இங்கிலாந்து அணியின் பந்து வீச்சு உலகில் சிறந்ததாக உள்ளது

இங்கிலாந்து அணியின் பந்து வீச்சு உலகில் சிறந்ததாக உள்ளது
ரிக்கி பொண்டிங் பாராட்டு
இங்கிலாந்து அணியின் பந்து வீச்சு உலகில் சிறந்ததாக இருக்கிறது என்று அவுஸ்திரேலிய அணி வீரர் ரிக்கி பொண்டிங் கூறியுள்ளார்.

டெஸ்ட் தொடரில் இந்தியாவை வீழ்த்தி உலகின் முதல் இடத்தை பிடித்த இங்கிலாந்து அணியை அவுஸ்திரேலிய அணியின் தலைவர் பொறுப்பில் இரு ந்து இந்த ஆண்டு தொடக்கத்தில் விலகிய ரிக்கி பொண்டிங் பாராட்டி உள்ளார்.

இது தொடர்பாக ரிக்கி பொண்டிங் அளித்த ஒரு பேட்டியில்,

‘தற்போதைய இங்கிலாந்து கிரிக்கெட் அணியின் பந்து வீச்சு, உலகில் சிறப்பான பந்து வீச்சாக உள்ளது. இங்கிலாந்து அணி உலகின் முதல் அந்தஸ்துக்கு தகுதியானது.

இந்தியா - இங்கிலாந்து அணிகள் இடையிலான ஆட்டத்தை தொலைக்காட்சியில் பார்த்தேன். இங்கிலாந்து அணியின் பந்து வீச்சாளர்கள் மிகவும் சிறப்பான நிலையில் இருக்கிற ¡ர்கள் என்பதில் எந்தவித சந்தேகமும் இல்லை’ என்று தெரிவித்துள்ளார். அவுஸ்திரேலிய கிரிக்கெட் அணி தலைவர் மைக்கேல் கிளார்க் விடுத்துள்ள செய்திக் குறிப்பில், ‘நீண்ட காலமாக இங்கிலாந்து அணி சிறப்பான கிரிக் கெட் ஆட்டத்தை வெளிப்படுத்தி வருகிறது.

முதல் இடத்துக்கு அவர்கள் தகுதியானவர்கள். இதனை விட எங்களுக்கு முக்கிய பிரச்சினைகள் இருக்கி ன்றன. ஒருநாள் போட்டியின் உலகின் முதல் இடத்தில் நீடிக்க கடினமாக உழைத்து வருகிறோம். அதேநேரத்தில் டெஸ்ட் வரிசையில் முதல் இடத்தை பிடிக்கவும் முயற்சி மேற்கொள்கிறோம்.

அந்த பணியில் நாங்கள் கவனம் செலுத்தி வருகிறோம் அவர்களுக்கு கிடைத்து இருப்பதற்கு எங்களது வாழ்த்துக்கள் என்று குறிப்பிட்டுள்ளார்.