இந்திய அணியுடனான டெஸ்ட் தொடரை 4-0 என்ற கணக்கில் கைப்பற்றுவோம்: ஸ்டூவர்ட் பிராட்

பிந்திய செய்தி

இங்கிலாந்து - இந்தியா இடையேயான 4 டெஸ்ட் போட்டிகளில் 3 டெஸ்ட் போட்டி
முடிவடைந்துள்ளது. 3 போட்டிகளிலுமே இந்தியா தோல்வியை சந்தித்துள்ளது.

இதுகுறித்து இங்கிலாந்து வேகப்பந்து வீச்சாளர் ஸ்டூவர்ட் பிராட் கூறியதாவது:-

நாங்கள்
கடுமையாக உழைத்ததன் காரணமாகவே இந்திய அணியை 3-0 என்ற கணக்கில்
தோற்கடித்துள்ளோம். எங்களது வெற்றி தொடரும். அடுத்த போட்டியிலும் நிச்சயமாக
வெற்றி பெற்று 4-0 என்ற கணக்கில் தொடரை கைப்பற்றுவோம்.

நாங்கள்
சாதாரணமாக இந்த வெற்றியை பெற்று விடவில்லை. கடந்த 2 1/2 ஆண்டுகளாக போராடி
இந்த நிலைக்கு வந்திருக்கிறோம். வெற்றிக்கு ஒரு குறிப்பிட்ட வீரரை மட்டும்
சொல்ல முடியாது. அனைத்து வீரர்களுக்கும் பங்கு உண்டு.

அணியை
தேர்வு செய்த குழுவினர் சிறப்பாக தேர்வு செய்திருக்கிறார்கள். இதுவும் ஒரு
முக்கிய காரணம். நாங்கள் கடுமையான சவால்களை இதுவரை சந்தித்து வந்துள்ளோம்.
இங்கிலாந்து அணி ஒரு முதன்மையான அணி என்பதை நிரூபித்து இருக்கிறோம்.

இந்திய
அணி தொடர் தோல்வியை சந்தித்ததால் அந்த நாட்டு ரசிகர்கள் கவலை அடைந்து
உள்ளனர். ஆனாலும் அடுத்த போட்டியில் எங்களது இதே ஆட்டம் தொடரும்.

இப்போது
டெஸ்ட் தரவரிசையில் முதல் இடத்தை பிடித்திருக்கிறோம். இது எங்களது நீண்ட
கால கனவு. அணி கேப்டன் ஆன்ட்ரூ ஸ்டாரஸ் மற்றும் தொழில்நுட்ப வல்லுனர்கள்
உதவி ஆகியவை முக்கிய காரணம்.

இவ்வாறு அவர் கூறினார்.

நிச்சயம் இது நடக்கும்

jasmin wrote:நிச்சயம் இது நடக்கும்

வெற்றி பெற வாழ்த்துவோம் தோழி மேடம்