எல்லாம் அவன் செயல்

by **மீனு** Thu 18 Aug 2011 - 1:01

எல்லாம் அவன் செயல்
அழகான காட்டிலொரு
ஆலமரம் இருந்ததாம்
அனைவருக்கும் நிழல்தந்து
அன்போடு காத்ததாம்
ஒரு நாளில் அந்த வழியே
வழிப் போக்கன் சென்றானாம்
வெய்யில் வெம்மை தாங்காமல்
மரத்தடியில் அமர்ந்தானாம்
பசி வயிற்றை கிள்ளவே
சோற்று மூட்டையை அவிழ்த்தானாம்
கட்டுச் சோறு அமுதமாய்
வயிறு புடைக்க தின்றானாம்
ஆலமரக் காற்றை ரசித்து
அண்ணாந்து பார்த்தானாம்
பவளம் போன்ற பழத்தைக் கண்டு
படைத்தவனை நகைத்தானாம்
பெரிய மரத்தில் சிறிய பழம்
பூசனிக் கொடியில் பெரிய பழம்
கடவுளுக்கு மதியில்லை என
நினைத்தபடி உறங்கினான்
பலத்த காற்று அடித்தது
பழம் நெற்றியில் விழுந்தது
ஆலம் பழம் விழுந்தது போல
பூசணி நெற்றில் விழுந்திருந்தால்
எந்தன் கதி என்னவாகும்
நினைத்து நெஞ்சம் நடுங்கினான்!
எல்லாம் வல்ல இறைவனே
என்னை நீயும் மன்னிப்பாய்
உந்தன் படைப்பின் மேன்மையை
உணர்ந்து விட்டேன் நானுமே
என்று இறையை வணங்கியே
இனிதாய் வழி சென்றான்.

by **நண்பன்** Thu 18 Aug 2011 - 4:30

://:-: ://:-:

எல்லாம் அவன் செயல்

எல்லாம் அவன் செயல்

Re: எல்லாம் அவன் செயல்