5 புகையிலை நிறுவனங்களுக்கு அமெரிக்காவில் தடை

by **நண்பன்** Thu 18 Aug 2011 - 5:03

புகைத்தலுக்கு எச்சரிக்கை செய்யும் தகவலை பிரசுரிக்க மறுத்த
5 புகையிலை நிறுவனங்களுக்கு அமெரிக்காவில் தடை
புகைப்படத்துடனான சுகாதார எச்சரிக்கை தகவலை தமது உற்பத்தியில் பயன்படுத்த மறுத்த 5 புகையிலை நிறுவனங்களுக்கு அமெரிக்காவில் தடை விதிக்கப்பட்டுள்ளது. அமெரிக்காவின் உணவு மற்றும் மருந்தக நிர்வாகம் இந்த தடையை விதித்துள்ளது.

அமெரிக்காவின் புதிய சட்டத்தின்படி புகையிலை நிறுவனங்கள் தமது சிகெரேட் பெக்கட்டுகளின் முன்பக்கமாக புகைப்பிடித்தலால் ஏற்படும் கேடுகள் குறித்து எச்சரிக்கை தகவலை வெளியிடவேண்டும்.

அந்த தகவலில் புகைப்பிடித்தலால் ஏற்படும் நோய்கள் குறித்த புகைப்படங்களையும் பிரசுரிக்க வேண்டும்.

எனினும் இந்தச் சட்டம் தமது நிறுவனங்களின் கொள்கைக்கு முரணானது என்றும் கருத்து சுதந்திரத்திற்கு எதிரானது என்றும் கூறி 5 புகையிலை நிறுவனங்கள் அதனை ஏற்க மறுத்துள்ளன.

ஆர். ஜே. ரெய்னோல்ட், லொரிலாட், கொமன்வெல்த் பிரான்ட், லெஜட் குழுமம், சன்டாபெ நச்சுரல் ஆகிய நிறுவனங்களே இதற்கு எதிர்ப்பு தெரிவித்துள்ளன.

இதனைத் தொடர்ந்தே இந்த நிறுவனங்களுக்கு அமெரிக்க உணவு மற்றும் மருந்தக நிர்வாகம் தடை விதித்துள்ளது. எனினும் இந்த தடைக்கு எதிராக மேற்படி நிறுவனங்கள் நீதிமன்றத்தில் வழக்கு தொடர்ந் துள்ளன.

இந்த எச்சரிக்கை தகவலை பிரசுரிக்கும் சட்டம் அடுத்த ஆண்டு செப்டெம்பர் மாதத்திலேயே அமுலுக்கு வருகின்றமை குறிப்பிடத்தக்கது.