அருகிச் செல்லும் தேசிய மலர்

by **முனாஸ் சுலைமான்** Sat 20 Aug 2011 - 19:48

இலங்கையின் தேசிய மலரான நீரோற்பலத்தின் தாவர இனம் அருகிச் செல்லும் அபாயம் ஏற்பட்டுள்ளது.

வெளிநாட்டுக்குறிய ஒருவகைத் தாவரத்துடன் சேர்த்து இந்தத் தாவர இனம் வளர்வதே இதற்கு காரணம் என பேராதனை பல்கலைக்கழகத்தின் தாவரவியல் பிரிவின் பேராசிரியர் தீப்தி யகன்தாவல உள்ளிட்ட குழுவினர் மேற்கொண்ட ஆய்வில் தெரியவந்துள்ளது.

குளியாப்பிட்டி, அனுராதபுரம், களுத்துறை, ஆனவிலுந்தாவ, உள்ளிட்ட பிரதேசங்களில் இந்த தாவர இனங்கள் கலந்து வளர்கின்றமை கண்காணிக்கப்பட்டதாக பேராசிரியர் தீப்தி யகன்தவால குறிப்பிட்டார்.

நாட்டிற்கே உரித்தான செடி வகையொன்று இவ்வாறு சேர்க்கைக்குள்ளானமை கண்டறியப்பட்ட முதலாவது சந்தர்ப்பம் இதுவாகும் என பேராசிரியர் கூறினார்
உயிர்ப் பல்வகைத்துவ செயலாளர் அலுவலகத்திடம் இதுதொடர்பில் வினவியபோது இத்தகைய சேர்க்கை தொடர்பில் தமக்கு தகவல்கள் பதிவாகவில்லை என அதன் பேச்சாளர் ஒருவர் குறிப்பிட்டார்.