அறிமுகமாகும் இலத்திரனியல் அடையாள அட்டை: நோக்கத்தினை அறிய முற்படும் மனித உரிமைக் குழுக்கள்

கடந்த முப்பது ஆண்டுகளுக்கும் மேலாக விடுதலைப் புலிகளுடன் தொடரப்பட்ட உள்நாட்டு யுத்தமானது வெற்றி கொள்ளப்பட்டு இரு ஆண்டுகள் கடந்துள்ள நிலையில் தற்போது புதிய பாதுகாப்பு நடைமுறைகளுக்கு அமைவாக சிறிலங்காவில் வாழும் அனைத்து குடிமக்களுக்கும் இலத்திரனியல் அடையாள அட்டை வழங்கப்படவுள்ளதாக சிறிலங்கா அரசாங்கம் அறிவித்துள்ளது.

இது தொடர்பாக சிறிலங்கா அதிபர் மகிந்த ராஜபக்சவால் முன்மொழியப்பட்ட பரிந்துரையானது அமைச்சரவையால் அங்கீகரிக்கப்பட்டுள்ளதாக கொழும்பில் இடம்பெற்ற ஊடகவியலாளர் மாநாடொன்றில் அமைச்சரவைப் பேச்சாளர் கெகலிய றம்புக்வெல தெரிவித்துள்ளார்.

இப்புதிய அடையாள அட்டைகளை சிறிலங்கா அரசாங்கம் எவ்வாறு பயன்படுத்தும் என்பது தொடர்பாக இவர் எவ்வித கருத்துக்களையும் கூறவில்லை.

ஏற்கனவே அறிமுகப்படுத்தப்பட்ட அடையாள அட்டையை யுத்தம் இடம்பெற்ற காலப்பகுதியில் மேற்கொள்ளப்பட்ட சிறிலங்கா காவற்துறையினரின் பதிவுகளின் ஊடாக தமிழ் மக்களை இனங்கண்டு கொள்வதற்கு அரசாங்கம் பயன்படுத்திக் கொண்டது.

தற்போது அறிமுகப்படுத்தப்படவுள்ள அடையாள அட்டையானது என்ன நோக்கத்திற்காக அறிமுகப்படுத்தப்படவுள்ளது என்பது தொடர்பான விபரங்களை தாம் அறிய முற்பட்டுள்ளதாக மனித உரிமைக் குழுக்கள் மற்றும் எதிர்க்கட்சியினர் தெரிவித்துள்ளனர்.

"புதிதாக அறிமுகப்படுத்தப்படவுள்ள இலத்திரனியல் அடையாள அட்டையானது உண்மையில் மக்களின் அடிப்படை விபரங்களைச் சேகரித்துக் கொள்வதற்கான ஒன்றா அல்லது இங்கு வாழும் மக்களையும் அவர்களது செயற்பாடுகளையும் கண்காணிப்பதற்கான ஒன்றா என்பது தொடர்பாக எமக்கு இதுவரையிலும் எதுவும் தெரியாது" என தன்னை அடையாளங் காட்டிக் கொள்ள விரும்பாத மனித உரிமை சட்டவாளர் ஒருவர் தெரிவித்துள்ளார்.

யுத்தம் இடம்பெற்ற காலப்பகுதியில் கொல்லப்பட்ட மக்களின் எண்ணிக்கை தொடர்பாக உள்ளுர்வாசிகள், மனித உரிமைக் குழுக்கள், ஐக்கிய நாடுகள் சபை ஆகியன வெளிப்படுத்தியுள்ள போதிலும் அதனை இன்னமும் ஏற்றுக்கொள்ளாத சிறிலங்கா அரசாங்கமானது யுத்தம் இடம்பெற்ற வடபகுதியில் மக்கள் மீளக் குடியேற்றப்படும் நிலையில் தற்போது இலத்திரனியல் இடையாள அட்டையை அறிமுகப்படுத்துவது தொடர்பான அமைச்சரவைத் தீர்மானத்தை அறிவித்துள்ளது.

சிறிலங்காவானது 2009 மேயில் உள்நாட்டு யுத்தத்தை வெற்றி கொண்டது. பொது மக்களின் இழப்பைத் தவிர்த்தல் என்பது யுத்தத்தின் இறுதிப் பகுதியில் சாத்தியப்பாடற்ற ஒன்று என்பதை சிறிலங்கா அரசாங்கம் தற்போது ஏற்றுக்கொண்டுள்ளது. சிறந்த ஆயுதமேந்திய எதிரி ஒன்றைத் தோற்கடிப்பதில் அத்தியாவசியமான சில யுத்த வலுக்கள் தேவைப்பட்டதாகவும் சிறிலங்கா அரசாங்கம் தெரிவித்துள்ளது.

நன்றி தகவலுக்கு.

தகவலுக்கு நன்றி நன்றி நன்றி

இதுதான் இப்ப இலங்கையின் தேசிய அடையாள அட்டை

தகவலுக்கு நன்றி, ஒரு நாட்டின் அபிவிருத்தியில் இது ஒன்று

அங்கு என்னதான் நடக்கிறதென்றே தெரிய வில்லை எல்லாம் ஒரு மார்க்கமாத்தான் இருக்கு

இது கடந்த வருடமே டெஸ்டிங் முடிஞ்சது....