சி.பி.ஐ. வழக்கில் ராஜசேகர ரெட்டி பெயர்: 29 காங். எம்.எல்.ஏ.க்கள்- 2 எம்.பி.க்கள் ராஜினாமா; ஆந்திர அர

நகரி, ஆக. 22-


ஒய்.எஸ்.ஆர்.
காங்கிரஸ் தலைவர் ஜெகன்மோகன் ரெட்டி மீது சி.பி.ஐ. சமீபத்தில் சொத்து
குவிப்பு வழக்கு பதிவு செய்தது. பின்னர் அவருக்கு சொந்த மான அனைத்து
நிறுவனங்கள் மற்றும் அவரது நிறுவனத்தில் முதலீடு செய்தவர்களிடம் அதிரடி
சோதனை நடத்தியது. இதில் ராஜசேகர ரெட்டி ஆட்சியின் போது சில குறிப்பிட்ட
நிறுவனங்கள் ஆதாயம் அடைந்திருப்பது தெரிய வந்தது.

இதையடுத்து
வழக்கில் ராஜசேகர ரெட்டி பெயரையும் சி.பி.ஐ. சேர்த்துள்ளது. இதற்கு
எதிர்ப்பு தெரிவித்து இன்று ஜெகன் மோகன் ரெட்டியை ஆதரிக்கும் 26 காங்கிரஸ்
எம்.எல்.ஏ.க்கள், 2 தெலுங்கு தேசம் எம்.எல்.ஏ.க்கள், பிரஜா ராஜ்ஜியம் கட்சி
எம்.எல்.ஏ. ஷோபா நாகி ரெட்டி ஆகிய 29 எம்.எல்.ஏ.க்கள், 2 காங்கிரஸ்
எம்.பி.க்கள் ராஜமோகன் ரெட்டி (நெல்லூர்), சபம்ஹரி (கனகா பள்ளி) ஆகியோர்
இன்று பதவியை ராஜினாமா செய்கிறார்கள்.

இதற்கு முன்பு
தெலுங்கானா விவகாரத்திற்காக ஜெகன்மோகன் ஆதரவு எம்.எல்.ஏ.க்கள் நடிகை
ஜெயசுதா, கொண்டா சுரேகா, சத்யவதி ஆகியோர் ராஜினாமா செய்துள்ளனர். கடந்த
சட்டசபை தேர்தலில் காங்கிரஸ்-155 இடங்களிலும் தெலுங்கு தேசம்-91, பிரஜா
ராஜ்ஜியம்-18, தெலுங்கான ராஷ்ட்ரீய சமிதி கட்சி-11, எம்.ஐ.எம்.-7, இந்திய
கம்யூனிஸ்டு-4, பா.ஜனதா-2, மார்க்சிஸ்ட் கம்யூனிஸ்டு-1, லோக் சத்தா-1,
சுயேட்சைகள்-3 இடங்களில் வெற்றி பெற்றன.

சில
மாதங்களுக்கு முன்பு சிரஞ்சீவியின் பிர ஜாராஜ்ஜியம் கட்சி காங்கிரசுடன்
இணைந்தது. இதனால் காங்கிரசின் பலம் 173 ஆக உயர்ந்தது. தற்போது ஜெகன் மோகன்
ரெட்டி ஆதரவு காங்கிரஸ் எம்.எல்.ஏ.க்கள் 29 பேர் பதவி விலகுவதால் ஆந்திர
அரசுக்கு நெருக்கடி முற்றியுள்ளது. இதனால் அடுத்த கட்ட நடவடிக்கை பற்றி
முதல்வர் கிரண்குமார் ரெட்டி மேலிட தலைவர்களுடன் தீவிர ஆலோசனை நடத்தி
வருகிறார்.


மாலை மலர்

இது ஜெகனின் போதாத காலம் .....காலம் கனியும் வரை காத்திருந்தால் இந்த சோதனை வருமா