கையடக்கத் தொலைபேசி மன்மதன்

by **நண்பன்** Thu 25 Aug 2011 - 4:24

கையடக்கத் தொலைபேசி மன்மதன்

கையடக்கத் தொலைபேசி மன்மதன்

இந்த மைத்துனர் தனது இளம் மைத்துனி க்கு ஒரு தந்தையைப் போன்றிருந்து பாது காப்பை
வழங்கியதனால் பிரச்சினையொன்றை விலைகொடுத்து வாங்கிக் கொண்டிருக்கிறார். இந்தச்
சம்பவம் களுத்துறை பொலிஸ் பிரதேசத்தில் கடந்த ஞாயிற்றுக்கிழமை இடம்பெற்றது. தனது
இளம் மைத்துனியின் கையடக்கத் தொலைபேசிக்கு ஒரு இளைஞன் எந்நேரமும் அழைப்புக்களை
ஏற்படுத்தி அப்பெண்ணை துன்புறுத்தி வந்திருக்கிறான்.
இந்தத் தகவலை தனது மனைவியின் மூலம் தெரிந்துகொண்ட கணவன், தொலைபேசி அழைப்பு வந்த
இலக்கத்தைக் குறித்துக்கொண்டு தனக்குத் தெரிந்த ஒரு பெண்ணை அவனுடன் தொலைபேசியில்
பேசி நம்பவைத்து தன்னை ஒரு குறிப்பிட்ட இடத்தில் வந்து சந்திக்குமாறு
கேட்டுக்கொண்டிருக்கின்றான்.
அதற்கமைய அந்த இளைஞன் தன்னிடமிருந்த ஆடைகளை அணிந்துகொண்டு, ஒரு மன்மதனைப் போன்று பல
கற்பனைகளுடன் அவ்விடத்தித்திற்கு வந்திருக்கிறான். அங்கு தன்னுடன் தொலைபேசியில்
தொடர்புகொண்ட பெண்ணைக் காணாமல் அவன் மனமுடைந்த நிலையில் நின்றுகொண்டிருந்தபோது அவன்
அதிர்ச்சியடையும் ஒரு எதிர்பாராத சம்பவம் இடம்பெற்றது.
தன்னை நோக்கி நடந்துவந்த ஒருவர் உங்களுடைய கையடக்கத் தொலைபேசி இலக்கம் என்ன என்று
கேட்டிருக்கிறார். அவன் அதனைத் தெரிவித்தவுடன் இவன்தான் தேடிக்கொண்டிருந்த மனிதன்
என்பதை ஊர்ஜிதப்படுத்திக்கொண்ட குறிப்பிட் பெண்ணின் மைத்துனன், அந்த மனிதனைக்
கைகளால் தாக்கிக் காயப்படுத்தினார். இனிமேல், எந்தவொரு இளம் பெண்ணுக்காவது தொலைபேசி
அழைப்புக்களைக் கொடுத்து துன்புறுத்தினால் உன்னைக் கொலைசெய்துவிடுவேன் என்றும் அவர்
எச்சரித்து அனுப்பியுள்ளார். காயமடைந்த இளைஞன் பொலிஸில் புகார் செய்ததையடுத்து
ஒருவரை அடித்துக் காயப்படுத்தியதற்காக அந்த மைத்துனர் மீது பொலிஸார் வழக்குத்
தொடரவிருக்கிறார்கள்.