இந்திய பிரஜைகள் மீது தாக்குதல்: அம்பகமுவவில் சம்பவம் _

இந்திய அரசாங்கத்தின் நிதியுதவியில் நிர்மாணிக்கப்பட்டு வருகின்ற டிக்கோயா
ஆதார வைத்தியசாலையின் புதிய கட்டிட நிர்மாணப்பணிகளில் ஈடுபடுகின்ற இந்திய
பிரஜைகள் சிலர் கினிகத்தேன அம்பகமுவ பகுதியில் வைத்து தாக்குதலுக்கு உள்ளான
சம்பவமொன்று நேற்று மாலை 6.30 மணியளவில் இடம் பெற்றுள்ளது.


இந்தச்சம்பவத்தில் பாதிப்படைந்த இருவர் டிக்கோயா கிளங்கன் ஆதார
வைத்தியசாலையில் அனுமதிக்கப்பட்டு உரிய சிகிச்சைக்குப் பின்பு தமது
இருப்பிடத்திற்கு திரும்பியுள்ளனர்.


இந்தச்சம்பவம் தொடர்பாக மேலும் தெரிய வருவதாவது :


டிக்கோயா கிளங்கன் வைத்தியசாலையின் புதிய கட்டிட நிர்மாணத்திற்காக
இந்தியாவிலிருந்து பொறியியலாளர்களும் திட்ட ஆலோசகர்களும் ஏனைய
பணியாளர்களும் வருகைதந்துள்ளனர். இந்த நிலையில் இவர்களில் 5 பேர் நேற்று
நிர்மாணப் பணிகளுக்கான செங்கற்களைப் பார்வையிடுவதற்காக கண்டி பகுதிக்குச்
சென்று ஹட்டன் நோக்கி கார் ஒன்றில் திரும்பியுள்ளனர்.


இதன் போது இவர்களில் இஸ்லாமிய மதத்தைச்சேர்ந்த ஒருவர் நோன்பு திறப்பதற்காக
கினிகத்தேன அம்பகமுவ நகரில் காரை நிறுத்தி விட்டு கடையொன்றில்
சிற்றுண்டிகளைக் கொள்வனவு செய்துள்ளார். இந்த நிலையில் அவ்விடத்தில் கூடிய
சிலர் இவர்களுடன் வாய்த்தர்க்கத்தில் ஈடுபட்டதோடு சுமார் 30 க்கும்
மேற்பட்டோர் இந்தியப் பிரஜைகள் இருவரைக் கடுமையாக தாக்கியுள்ளனர்.தாக்குதல்
சம்பவத்தில் அந்தப் பிரதேசத்தைச் சேர்ந்த ஊனமுற்ற ஒருவரும்
சம்பந்தப்பட்டுள்ளார். பாதிக்கப்பட்ட இந்திய பிரஜைகள் தப்பினோம் பிழைத்தோம்
என்ற நிலையில் காரில் ஏறி டிக்கோயா கிளங்கன் வைத்தியசாலைக்கு வந்து
சிகிச்சைக்காக அனுமதிபெற்றுள்ளனர்.


சம்பவத்தில் சவுக்கத்தலி, பிஸ்வஜித் மவுண்டர்(கல்கத்தா), தெய்வநாயகம்,
சரவணன் ஆகிய இந்தியப் பிரஜைகளே தாக்குதலுக்கும் அச்சுறுத்தலுக்கும்
உள்ளாகியுள்ளனர்.


சம்பவத்தையடுத்து டிக்கோயா கிளங்கன் வைத்தியசாலையின் நிர்மாணப்பணிகளில்
ஈடுபட்டு வந்த பணியாளர்கள் 120 பேர் இன்று தமது பணியைப் புறக்கணித்தனர்.
சம்பவம் தொடர்பில் நோர்வூட் பொலிஸ் நிலையத்தில் முறைப்பாடு
செய்யப்பட்டுள்ளதோடு இந்திய தூதரக அதிகாரிகளுக்கும் அறிவிக்கப்பட்டுள்ளது.
பாதிக்கப்பட்ட இந்தியப் பிரஜைகளைத் தொழிலாளர் தேசிய சங்கத்தின் சிரே’ட
தொழிலுறவு நிர்வாக ஆலோசகரும் மத்திய மாகாணசபை உறுப்பினருமான சிங்பொன்னையா
கிளங்கன் வைத்தியசாலைக்குச் சென்று பார்வையிட்டதோடு தனது கவலையையும்
தெரிவித்துக்கொண்டார்.

இலங்கை செய்திகளை உடனுக்குடன் பதிவிட்டு நம்மை அசத்தும் முனாசிர்க்கு வாழ்த்துக்கள்.
பாதிக்கப்பட்ட இந்திய பிரஜைகள் தப்பினோம் பிழைத்தோம்
என்ற நிலையில் காரில் ஏறி டிக்கோயா கிளங்கன் வைத்தியசாலைக்கு வந்து
சிகிச்சைக்காக அனுமதிபெற்றுள்ளனர்.
மனதிலுள்ள வன்மம் தலை தூக்கி. நடைபெற்ற நிகழ்வு சிங்களவன் இனியும் திருந்த போவதில்லை. சர்வ தேச நாடுகளிடம் எடுத்த கெட்ட பெயர் மாறபோவதில்லை...

Atchaya wrote:இலங்கை செய்திகளை உடனுக்குடன் பதிவிட்டு நம்மை அசத்தும் முனாசிர்க்கு வாழ்த்துக்கள்.
பாதிக்கப்பட்ட இந்திய பிரஜைகள் தப்பினோம் பிழைத்தோம்
என்ற நிலையில் காரில் ஏறி டிக்கோயா கிளங்கன் வைத்தியசாலைக்கு வந்து
சிகிச்சைக்காக அனுமதிபெற்றுள்ளனர்.
மனதிலுள்ள வன்மம் தலை தூக்கி. நடைபெற்ற நிகழ்வு சிங்களவன் இனியும் திருந்த போவதில்லை. சர்வ தேச நாடுகளிடம் எடுத்த கெட்ட பெயர் மாறபோவதில்லை...