80 அடி உயர பதாகையில் ஏறி வாலிபர் நூதன போராட்டம்

80 அடி உயர பதாகையில் ஏறி வாலிபர் நூதன போராட்டம்



திருவான்மியூர் ரயில் நிலையம் அருகே 80 அடி உயர விளம்பர பதாகையில் ஏறி நின்று, அன்னா
ஹசாரேவுக்கு ஆதரவாக உயிர் விடப் போவதாகவும், தனது உடலை வைத்து குரல்
கொடுக்கும்படியும் ஒரு வாலிபர் போராட்டத்தில் ஈடுபட்டார்.
இந் நிலையில், நேற்று முன்தினம் காலை 9 மணியளவில், திருவான்மியூர் ரயில் நிலையம்
அருகே சக்திவேல் என்ற வாலிபர், கையில் தேசிய கொடியுடன் வந்து அங்கிருந்தவர்களிடம்
துண்டுப் பிரசுரம் ஒன்றை விநியோகித்தார். அதில் எழுதப்பட்டிருந்ததாவது:-
இந்திய ஊழல் எதிர்ப்பு இயக்கம், மத்திய அரசை வன்மையாக கண்டிக்கிறேன். மத்திய அரசே,
மத்திய அரசே இன்னும் ஏன் மெளனமாக இருக்கிறாய், மக்களின் உயிர் வேண்டுமா உனக்கு,
அன்னா ஹசாரே உயிர் துறக்கும் முன்னால் என் உயிரை தருகிறேன். நான் சிந்தும் ஒவ்வொரு
துளி ரத்தமும் என் தேசிய உணர்வை வெளிப்படுத்தும்.

நான் தேசத்துக்காக என் உயிரை
கொடுக்கிறேன். மக்களே, மக்களே நீங்கள் என் ரத்தத்தை வைத்து உரிமைக்குரல் கொடுங்கள்.
அது மத்திய அரசின் காதில் கேட்கட்டும். மத்திய அரசை வன்மையாக கண்டிக்கிறேன். இவ்வாறு
எழுதப்பட்டிருந்தது.
துண்டுப் பிரசுரங்களை விநியோகித்து முடிந்ததும் அங்கிருந்து 80 அடி உயர விளம்பர
பதாகையில் மின்னல் வேகத்தில் ஏறினார் அந்த வாலிபர். கையில் தேசிய கொடியை பிடித்தபடி
மேலே நின்று கீழே குதிக்கப்போகிறேன் என்று சத்தம் போட்டார். இதனால் அப் பகுதியில்
பெரும் பரபரப்பு ஏற்பட்டது. தகவல் அறிந்து சம்பவ இடத்துக்கு பொலிஸார் விரைந்து
வந்தனர்.

இதையடுத்து, திருவான்மியூரில் உண்ணாவிரதம் இருந்து வரும் ஊழல் எதிர்ப்பு
இயக்கத்தைச் சேர்ந்த வெங்கட நாராயணன், சம்பவ இடத்துக்கு வந்து அவருடன்
பேச்சுவார்த்தை நடத்தினார். இதில் சமாதானம் அடைந்த சக்திவேல், பகல் பனிரெண்டரை
மணிக்கு கீழே இறங்கி வந்தார்.
அவரிடம் பொலிஸார் விசாரித்த போது, சேலையூர் அடுத்த அகரம் தென்பகுதியைச் சேர்ந்த
ஆட்டோ டிரைவர் என்று தெரிய வந்தது. உண்ணா விரதம் இருந்தவர்களுடன் அவரும் சென்றார்.

சிந்தும் ஒவ்வொரு
துளி ரத்தமும் என் தேசிய உணர்வை வெளிப்படுத்தும்.
தேசிய பற்று உணர்வு எப்படியெல்லாம் செய்ய தூண்டுகிறது....