ரூ.15 கோடி மதிப்புள்ள ஓட்டல் அபகரிப்பு: நேரு-தம்பி ராமஜெயம் உள்பட 4 பேர் மீது புகார்

by **நண்பன்** Fri 26 Aug 2011 - 10:14

தஞ்சை, ஆக. 26-

தஞ்சையில் ரூ.15 கோடி
மதிப்புள்ள ஓட்டலை போலி பத்திரம் தயாரித்து அபகரித்ததாக தி.மு.க. முன்னாள்
அமைச்சர் கே.என்.நேரு, அவரது தம்பி ராமஜெயம் உள்பட 4 பேர் மீது பெங்களூரை
சேர்ந்த பெண் ஒருவர் போலீசில் புகார் கொடுத்தார்.

பெங்களூர்
எம்.எஸ்.ஆர். நகரை சேர்ந்தவர் கனகரெத்தினம் மனைவி நாகராணி. இவர் தஞ்சை
போலீஸ் டி.ஐ.ஜி. ரவிக்குமாரிடம் கொடுத்த புகார் மனுவில் கூறியிருப்பதாவது:-

நான் பெங்களூரில் வசித்து வருகிறேன். எனக்கும்,
கணவர் கனகரெத்தினம், மகன் நிக் ஆகியோருக்கு சொந்தமான இடம் தஞ்சை புதிய
பஸ்நிலையம் அருகே உள்ள பாஸ்கரபுரம் காலனியில் உள்ளது. இதில் ஓட்டல் இங்கா
இண்டர்நேஷனல் என்ற பெயரில் 8 மாடிகளுடன் தங்கும் விடுதி கட்டி இருந்தேன்.

கணவர்
லண்டனில் தொழில் செய்து வருகிறார். நான் ஓட்டலின் 8-வது மாடியில் மகனுடன்
வசித்து வந்தேன். தங்கும் விடுதியை கட்டுவதற்கு அதனை அடமானம் செய்து
திருச்சியில் உள்ள ஒரு வங்கியில் கடன் பெற்று இருந்தேன். தங்கும்
விடுதியின் வேலைகள் முடிவடையாததால் அதை திறக்கவில்லை.

இந்த
நிலையில் விடுதியை ஏலம் விடப்போவதாக பத்திரிகையில் வங்கி அறிவித்தது.
பத்திரிகை விளம்பரத்தை பார்த்து விட்டு முன்னாள் அமைச்சர் கே.என். நேருவின்
மைத்துனர் ராஜபூபதியும், அவரின் மகன் பரணிதரனும் என்னிடம் வந்து,
பத்திரிகை விளம்பரத்தை பற்றி சொல்லி அமைச்சர் நேருவும் அவரின் சகோதரர்
ராமஜெயமும் தங்களை அனுப்பி வைத்ததாகவும், தங்கும் விடுதியை விலைக்கு வாங்கி
கொள்வதாகவும் கூறினார்கள். நான் அதற்கு மறுத்துவிட்டேன்.

அதன்
பின்பு லீசுக்கு கேட்டனர். சொத்து ஏலம் போகாமல் இருப்பதற்காக நானும்
லீசுக்கு கொடுக்க சம்மதித்தேன். திருச்சியில் உள்ள வங்கிக்கு
அழைத்துச்சென்ற அவர்கள் கடனை தீர்ப்பது சம்பந்தமாக பேசினார்கள்.

இதையடுத்து
என்னிடமும், எனது கணவர் மற்றும் மகனிடமும் பல வெற்று பத்திரங்களில்
கையொப்பம் பெற்றுக்கொண்டு, வங்கி கடனை அவர்களே நேரடியாக செலுத்திவிட்டனர்.
லீசுக்கான தொகையில் மீதியை தருவதாக கூறி திருச்சியில் உள்ள ஒரு ஓட்டலில்
தங்க வைத்தனர்.

பின்னர் லீசுக்கு பத்திரம் எழுதி
தருகிறோம் என்று கூறி தஞ்சை பத்திரப்பதிவு அலுவலகத்திற்கு
அழைத்துச்சென்றனர். வழியில் வல்லம் அருகே வந்தபோது அங்கு ஒரு காரில் வைத்து
என்னிடமும், எனது கணவர் மற்றும் மகனிடமும் டைப் செய்யப்பட்ட பேப்பரிலும்,
பத்திரத்திலும் கையெழுத்து வாங்கினர்.

அப்போது அந்த
பத்திரத்தை நான் படிக்க கேட்டதற்கு, ரூ. 500 பத்திரத்தில் சொத்தையா எழுதி
வாங்கமுடியும், அது லீசு பத்திரம் தான் என்று சொன்னார்கள்.
பத்திரப்பதிவு
முடிந்ததும் மீண்டும் திருச்சிக்கு அழைத்துச் சென்ற அவர்கள், ரூ. 1 லட்சம்
மட்டும் கொடுத்துவிட்டு திருச்சி லாட்ஜிலேயே அடைத்து வைத்துவிட்டனர்.
பின்பு சிலநாட்களுக்கு பிறகு மீதி லீசுக்கான தொகையை கேட்டபோது, முன்னாள்
அமைச்சர் நேரு மற்றும் அவருடைய தம்பி ராமஜெயம் ஆகியோர் சொல்லித்தான்
நாங்கள் இதுபோல் செய்தோம். நாங்கள் அவரின் பினாமி தான் என்றனர். மேலும்
எதவாது பிரச்சினை செய்தால் உயிருடன் விடமாட்டோம் என்று மிரட்டினர்.

என்னுடைய
ரூ. 15 கோடி ரூபாய் சொத்தை போலியாக பத்திரம் தயாரித்து அபகரித்து கொண்ட
ராஜபூபதி, பரணிதரன் இதற்கு உடந்தையாக இருந்த முன்னாள் அமைச்சர் நேரு அவரின்
சகோதரர் ராமஜெயம் ஆகியோர் மீது நடவடிக்கை எடுக்க வேண்டும் என்று ஏற்கனவே
தஞ்சை மாவட்ட குற்றப்பரிவு போலீசில் புகார் கொடுத்தேன் அதை முறையாக
விசாரிக்கவில்லை.

எனவே இந்த புகாரை வேறு
அதிகாரிக்கு அனுப்பி விசாரிக்கச்செய்து ஏமாற்றி சொத்தை அபகரித்ததற்கும்,
கொலை மிரட்டல் விடுத்ததற்கும், லாட்ஜில் அடைத்து வைத்ததற்கும் தக்க
நடவடிக்கை எடுக்க வேண்டும்.

இவ்வாறு அந்த மனுவில் கூறப்பட்டு இருந்தது.

இந்த
புகார் மனுவை டி.ஐ.ஜி. அமல்ராஜ் மாவட்ட குற்றப்பிரிவு போலீசாருக்கு
விசாரணைக்காக அனுப்பி வைத்தார். அதன்பேரில் டி.எஸ்.பி. கண்ணகி முதல் கட்ட
விசாரணையை தொடங்கியுள்ளார்