அதிநவீன போர் விமானங்களை இந்தியாவுக்கு வழங்குகிறது அமெரிக்கா.

அதிநவீன தொழில்நுட்பம் வாய்ந்த போர் விமானங்கள் மற்றும் பீரங்கிகளை இந்தியாவுக்கு சப்ளை செய்ய அமெரிக்க ராணுவ தலைமையகம் முன்வந்துள்ளது.
அமெரிக்க பாதுகாப்புத்துறை துணை அமைச்சர் ராபர்ட் ஸ்கெர் கூறியதாவது: கடந்த 1990ம் ஆண்டுகளில் இந்தியாவுக்கும், அமெரிக்காவுக்கும் இடையே ராணுவ ரீதியான வர்த்தகம் ஏதும் இல்லை. ஆனால் தற்போது 27 ஆயிரம் கோடி ரூபாய் அளவுக்கு இந்தியாவுடன் ராணுவ தளவாடங்கள் சப்ளைக்கான ஒப்பந்தம் மேற்கொள்ளப்பட்டுள்ளது.
கடந்த பிப்ரவரியில் சி-130ஜெ என்ற நான்கு இன்ஜின்கள் பொருத்தப்பட்ட ஜம்போ போர் விமானங்கள் அமெரிக்க படையில் சேர்க்கப்பட்டன. இந்த அதிநவீன தொழில் நுட்பம் வாய்ந்த போர் விமானங்கள் தற்போது இந்தியாவுக்கு சப்ளை செய்யப்பட உள்ளன.
அமெரிக்க ராணுவத்தில் சேர்க்கப்பட்ட உடனேயே எந்த ஒரு ஆயுதங்களையும், விமானங்களையும் அமெரிக்கா இதுவரை எந்த நாடுகளுக்கும் உடனடியாக விற்றது கிடையாது. இந்த விதத்தில் இந்தியாவுக்கு சி-130 ஜெ விமானங்கள் சப்ளை செய்யப்படுவது ஆச்சரியம் அளிக்கிறது.
இந்த ராணுவ வர்த்தகத்தின் மூலம் இந்தியா ராணுவத்தில் முன்னேறிய நாடாக விளங்குவதுடன் இந்திய ராணுவ அதிகாரிகள் அமெரிக்காவில் போர் பயிற்சி பெறும் வாய்ப்பையும் பெறுகின்றனர்.
அதே போல இந்திய வீரர்களுக்கு பயிற்சி அளிக்க அமெரிக்க விமானப்படை அதிகாரிகள் இந்தியாவுக்கும் செல்வர். இந்திய கடற்படை வீரர்கள் விர்ஜினியாவில் ஒன்பது மாத கால பயிற்சி பெற்றுள்ளனர். எம்777 என்ற இலகுரக பீரங்கிகளையும், இந்தியாவுக்கு சப்ளை செய்யவும் ராணுவ தலைமையகம் திட்டமிட்டுள்ளது.

ஆமா அவன்ட நாட்டில் பொருளாதர நெருக்கடியை ஈடு செய்ய ஆயுதங்கைளை விற்பதற்கு தயாராகும் வேளை அதை வாங்குவதற்கு ஏதாவது ஏமாழிகள் தேவை தானே இப்போது இந்தியா மாட்டியுள்ளது

அரபு நாடுகளில் போதுமான அளவுக்கு வியாபாரம் செய்தாகிவிட்டது ....இனி இளிசவாயன் இந்தியாதானே