தமிழின உணர்வாளர்களின் போராட்டத்தால் 3 பேரும் உயிர் தப்புவார்கள் என்ற நம்பிக்கை ஏற்பட்டுள்ளது; பேரறிவ

ராஜீவ்காந்தி கொலை வழக்கில் தூக்கு தண்டனை விதிக்கப்பட்டுள்ள
பேரறிவாளன், சாந்தன், முருகன் ஆகியோரை காப்பாற்ற தமிழகம் முழுவதும்
போராட்டம் வலுத்து வருகிறது. காஞ்சீபுரத்தில் செங்கொடி என்ற 21 வயது
இளம்பெண் தீக்குளித்து உயிரை மாய்த்துள்ளார். கடந்த 4 நாட்களாக
கோயம்பேட்டில் ஐகோர்ட்டு வக்கீல்கள் பாலாம்பாள், அங்கயற்கண்ணி, கவிதா
ஆகியோர் கடந்த 4 நாட்களாக உண்ணாவிரதம் இருந்து வருகிறார்கள். இவர்களுக்கு
பேரறிவாளனின் தாய் அற்புதம் அம்மாளும் ஆதரவு தெரிவித்துள்ளார். அவர்
கூறியதாவது:-

கடந்த 1991-ம் ஆண்டு ஜூன் மாதம்
11-ந்தேதி எனது மகன் பேரறிவாளனை சி.பி.ஐ. அதிகாரிகளிடம் விசாரணைக்காக
ஒப்படைத்தோம். எலக்ட்ரானிக் கம்யூனிகேசன் முடித்திருந்த பேரறிவாளன்
மேல்படிப்பு படிக்க வேண்டும் என்ற ஆசையில் வேப்பேரி பெரியார் திடலில்
தங்கியிருந்தான்.

அங்கிருந்துதான் அவனை அழைத்து
சென்றனர். அதன் பிறகு அவனை பார்ப்பதற்கே நான் போராட வேண்டியிருந்தது.
பின்னர் பல நாட்கள் கழித்து சி.பி.ஐ.கோர்ட்டில் அவனை ஆஜர்படுத்தினர்.
அப்போது அவனுடன் என்னால் பேச முடியவில்லை. சி.பி.ஐ. அதிகாரிகள் கைது செய்த
பின்னர் 50 நாட்களுக்கு பின்னர்தான் அவனுடன் என்னால் பேச முடிந்தது.

கிரீம்ஸ்
ரோட்டில் உள்ள சி.பி.ஐ. அலுவலகத்தில் வைத்து சிறிதுநேரம் அவனுடன் பேசிக்
கொண்டிருந்தேன். அப்போது அவன், என்னை பார்த்து பயப்படாதீர்கள் அம்மா.
விசாரித்து விட்டு அனுப்பி விடுவதாக கூறியுள்ளனர். விரைவில் நான் வெளியில்
வந்து விடுவேன் என கூறி தைரியப்படுத்தினான்.

சிறுவயதில்
இருந்தே பேரறிவாளனுக்கு இரக்க குணம் அதிகம் உண்டு. யாரிடமும் அதிர்ந்து
கூட பேசமாட்டான். எல்லோரையும் போல எனது மகனும் நன்றாக படித்து கார், பங்களா
என வசதியுடன் வாழ வேண்டும் என்று ஆசைப்பட்டேன். ஆனால் அவனது வாழ்க்கை
சிறையிலேயே கழிந்து வருகிறது.

எனது மகள்கள் அன்பு
மணி, அருள்செல்வி. பேரறிவாளன் சிறைக்கு சென்ற சில மாதங்கள் கழித்து
அன்புமணியின் திருமணம் நடைபெற்றது. பேரறிவாளன் விடுதலை ஆகும்வரை திருமணம்
செய்து கொள்ள மாட்டேன் என்று அருள்செல்வி பிடிவாதமாக இருந்தாள். அவன்தான்
அருள்செல்வியை சமாதானப்படுத்தி திருமணத்துக்கு சம்மதிக்க வைத்தான்.

பேரறிவாளன்,
சாந்தன், முருகன் ஆகியோரின் தூக்கு தண்டனையை ரத்து செய்ய கோரி தற்போது
தமிழகம் முழுவதும் போராட்டங்கள் நடத்தப்பட்டு வருவது நம்பிக்கையை
ஏற்படுத்தி உள்ளது. 3 பேரும் காப்பாற்றப்படுவார்கள். தமிழக முதல்-அமைச்சர்
இதற்கான நடவடிக்கைகளை எடுக்க வேண்டும். 3 பேரின் உயிரை காக்க
அறப்போராட்டங்கள் நடந்து வரும் நிலையில் செங்கொடி தீக்குளித்து பலியானது
வேதனை அளிக்கிறது.இதுபோன்ற செயல்களில் யாரும் ஈடுபட வேண்டாம்.

இவ்வாறு அற்புதம்மாள் கூறினார்.

போராட்டங்களால் ஒன்றும் பிரயோஜனம் இல்லை தூக்கில் போட்டு விடுவார்கள்

jasmin wrote:போராட்டங்களால் ஒன்றும் பிரயோஜனம் இல்லை தூக்கில் போட்டு விடுவார்கள்

எண்ணத்தை மாற்றுங்கள் மேடம் @.

இல்லை நண்பரே ... நம் எண்ணங்களை மாற்றுவதால் ஒன்னும் பிரயோஜனம் இல்லை

jasmin wrote:இல்லை நண்பரே ... நம் எண்ணங்களை மாற்றுவதால் ஒன்னும் பிரயோஜனம் இல்லை

பொறுத்திருந்து பார்ப்போம்

அன்றும் இன்றும் போராட்டமே
வாழ்க்கையானது இவர்களுக்கு .