பாகிஸ்தானில் ரெயில் மீது தீவிரவாதிகள் ராக்கெட் வீச்சு; 3 பேர் பலி

by **நண்பன்** Mon 29 Aug 2011 - 10:47

பாகிஸ்தானில் தீவிரவாதிகள் தொடர்ந்து அட்டூழியம் செய்து வருகின்றனர்.
வெடிகுண்டு தாக்குதல் நடத்தி பொதுமக்களை கொன்று குவித்து வருகின்றனர்.
தீவிரவாதிகளின் ஆதிக்கம் நிறைந்த தென் கிழக்கு பாகிஸ்தானில் நேற்று
“குவெட்டா எக்ஸ்பிரஸ்” என்ற பயணிகள் ரெயில் பெஷாவருக்கு சென்று
கொண்டிருந்தது.

அதில் ஏராளமானவர்கள் பயணம் செய்தனர்.
பலுசிஸ்தான் மாகாணத்தில் காச்சி மாவட்டத்தில் உள்ள மாக் என்ற இடத்தின்
அருகே சென்ற போது அந்த ரெயில் மீது தீவிரவாதிகள் ராக்கெட் குண்டுகளை
வீசினர்.

அதில் 4 ராக்கெட்டுகள் ரெயில் மீது விழுந்து வெடித்தது. இதனால் ரெயில் பெட்டிகள் வெடித்து சிதறி தீப்பிடித்தன.
மேலும் எந்திர துப்பாக்கியாலும் சுட்டனர். அதில் ரெயிலில் பயணம் செய்த 3 பேர் அதே இடத்தில் பலியாகினர்.

19 பேர் காயம் அடைந்தனர்.
இச்சம்பவத்துக்கு பலோச் விடுதலை என்ற அமைப்பை சேர்ந்த தீவிரவாதிகள் பொறுப்பு ஏற்றுள்ளனர்.