சல்மான் கானுக்கு என்ன ஆச்சு?

மும்பை : புகழ் பெற்ற பாலிவுட் நடிகர் சல்மான்கானுக்கு விநோதமான நரம்பு நோய் ஒன்று ஏற்பட்டு அதனல் தாடையில் தாங்க முடியாத வலியால் அவதிப்பட்டு வருகிறார்.

பிரபல இந்தி நடிகர் சல்மான்கானுக்கு சமீபத்தில் அடிக்கடி நெஞ்சு வலி ஏற்பட்டது. இதையடுத்து< மும்பையில் உள்ள மருத்துவமனையில் அவர் சேர்க்கப்பட்டு சிகிச்சை அளிக்கப்பட்டது. இந்த நிலையில், அவருக்கு விநோத நோய் ஏற்பட்டுள்ளது. தாடையில் வலியை ஏற்படுத்தும் நரம்பு கோளாறு நோய்க்காக சிகிச்சை பெற அமெரிக்கா செல்ல அவர் முடிவு செய்துள்ளார்.

மூளையில் இருந்து முகத்துக்கு செல்லும் முக்கியமான நரம்பில் ஏற்பட்டுள்ள பாதிப்பு காரணமாக வாயை திறந்தாலே தாடையில் தாங்க முடியாத வலி ஏற்பட்டு அவர் அவதிப்படுகிறார். இந்த பாதிப்பு கடந்த 2007ம் ஆண்டு முதல் ஏற்பட்டாலும், இப்போதுதான் அது பற்றிய விவரத்தை அவர் வெளியிட்டுள்ளார்.

இது பற்றி நாளிதழ் ஒன்றில் அவர் எழுதியுள்ள கட்டுரையில், வாயை திறந்தால் தாடையின் இணைப்புப்பகுதியில் ஒரு விதமான பயங்கர வலி ஏற்படும். இதனால், ஆம்லெட் சாப்பிடவே ஒரு மணி நேரம் ஆகி விடுகிறது. நாளுக்குநாள் வலி அதிகமாகி கொண்டே இருக்கிறது” என்று குறிப்பிட்டுள்ளார். நரம்பு கோளாறுக்கு சிகிச்சை பெற அமெரிக்காவுக்கு செல்ல சல்மான்கான் முடிவு செய்துள்ளதாக அவரது பாதுகாவலர் ஷேரா தெரிவித்துள்ளார்.