2 மாத குழந்தையை பஸ்ஸினுள் தவிக்க விட்டு தாய் தலைமறைவு

by **நண்பன்** Thu 1 Sep 2011 - 11:29

2 மாத குழந்தையை பஸ்ஸினுள் தவிக்க விட்டு தாய் தலைமறைவு
வவுனியா பஸ் நிலையத்தில் சம்பவம்
வவுனியா விசேட நிருபர்
இரண்டு மாத பெண் குழந்தையை கைவிட்டு மர்மமான முறையில் தலைமறைவான தாயை பொலிசார் தேடி வருகின்றனர்.

இந்தச் சம்பவம் வவுனியா தனியார் பஸ் நிலையத்தில் நேற்று முன்தினம் செவ்வாய் பகல் ஒரு மணியளவில் நடைபெற்றதென பொலிசார் தெரிவித்தனர்.

இக்குழந்தை தற்போது வவுனியா வைத்தியசாலை யில் பராமரிக்கப்பட்டு வருகி ன்றது. சம்பவம் பற்றி தெரிய வருவதாவது :- நேற்று முன்தினம் செவ்வாய்க்கிழமை பகல் செட்டிகுளம் செல்ல தனியார் பஸ்தரிப்பிடத்தில் நிறுத்திவைக்கப்பட்டிருந்த பஸ்ஸி னுள் கைக்குழந்தையுடன் ஏறிய பெண், சில நிமிடங்களின் பின் அருகில் இருந்த இன்னுமொரு பெண்ணிடம் தான் தண்ணீர் குடித்து விட்டு வருகின்றேனென கூறி குழந் தையை ஒப்படைத்து விட்டுச் சென்றுள்ளார்.

பின்னர் பொதுமக்களுடைய உதவி யுடன் பொலிசாருக்கு அறிவிக்கப் பட்டு தேடப்பட்டபோதிலும் அவர் மர்மமான முறையில் தலைமறை வாகி இருந்தார். பொலிசார் குழந் தையை வவுனியா வைத்தியசா லையில் ஒப்படைத்துள்ளனர்.

இவ்வாறு ஒப்படைக்கப்பட்ட நான்கு குழந்தைகள் வைத்தியசாலை யில் உள்ளதாக வைத்தியசாலை நிர்வாகத்தினர் தெரிவித்தனர்.