மனிதரில் சிறந்தவர் மனைவியிடம் சிறந்தவரே!

”இறை நம்பிக்கை கொண்டவர்களில் முழுமையான இறை நம்பிக்கை கொண்டவர் அவர்களில் நற்குணம் கொண்டவரே! உங்களில் சிறந்தவர் உங்கள் மனைவியரிடம் நற்பண்பால் சிறந்து விளங்குபவரே!” என்று அல்லாஹ்வின் தூதர் நபி (ஸல்) அவர்கள் கூறினார்கள்.

அறிவிப்பவர். அபுஹுரைரா (ரலி)
நூல். திர்மிதி 1082

ஒருவர் ஊருக்கு நல்லவர் ஆகிவிடலாம் ஆனால் வீட்டுக்கு நல்லவர் ஆனால்தான் அவர் இறைவனிடம் நல்லவராவார் என்ற உயரிய பண்பை நபி (ஸல்)அவர்கள் நமக்கு எடுத்துக் காட்டுகின்றார்கள்

இன்று நாம் தொழுகை,நோன்பு,ஹஜ்,ஜகாத் போன்றவற்றைச் செய்து முழுமையான முஸ்லீம்களாக ஆகிவிடலாம் என்று நம்பிக் கொண்டிருக்கின்றோம். இந்த வணக்கங்களில் நாம் சரியாக இருந்து கொண்டு குடும்ப வாழ்க்கையில் நாம் மனைவியிடம் அக்கினி பிழம்பாக ஆதிக்க எஜமானாக வாழ்ந்து கொண்டடிருந்தால் நாம் முழுமையான முஸ்லீமாக ஆகிவிட முடியாது என்பதை மோற்கண்ட ஹதீஸ் நமக்கு விளக்குகின்றது.

இன்று நம்மிடம் இது போன்ற வாழ்க்கை இன்னும் மலரவில்லை. நாம் இந்த நாட்டில் வாழும் பிற மத சமுதாய காலாச்சார பிடியிலிரிந்து விடுபடவில்லை.கணவன் சாப்பிட்ட பிரகுதான் மனைவி சாப்பிட வேண்டும். கணவன் உறங்கும் போது மனைவி எழுப்பக் கூடாது! ஆனால் மனைவியை கணவன் எப்போது வேண்டுமானாலும் எழுப்பி வேலை வாங்கிக் கொள்ளலாம் என்ற மாற்று மத கலாச்சாரம் நம்மிடம் வேரூன்றிக் கிடக்கின்றது. ஆனால் அல்லாஹ்வின் தூதர் நபி ஸல் அவர்கள் இந்த கலாச்சாரத்தை உடைத்தெரிகிறார்கள்.

மிக்க நன்றி நிலாம் அருமையான விளக்கம் உண்மையில் வெளியுலகத்திற்கு நல்லவராக இருந்து வீட்டில் கஞ்சனாகவும் அடாவடியும் செய்தால் அவர் இறைவனிடத்தில் தப்ப முடியாது
நன்றி பகிர்வுக்கு தொடருங்கள்

நேசமுடன் ஹாசிம் wrote:மிக்க நன்றி நிலாம் அருமையான விளக்கம் உண்மையில் வெளியுலகத்திற்கு நல்லவராக இருந்து வீட்டில் கஞ்சனாகவும் அடாவடியும் செய்தால் அவர் இறைவனிடத்தில் தப்ப முடியாது
நன்றி பகிர்வுக்கு தொடருங்கள்

நன்றி ஹாசிம்

சிறந்த ஹதீஸ் தொகுப்புக்கு நன்றி நிலாம்