ராஜீவ் காந்தி படுகொலை

இந்தியாவில் உள்ள ஸ்ரீபெரும்புதூரில் மே 21, 1991 அன்று தற்கொலைத் தாக்குதல் செய்யும் மனித வெடிகுண்டு ஒன்றில் ராஜீவ் காந்தி படுகொலை செய்யப்பட்டார். இதில் ராஜீவ் காந்தி மற்றும் 14 பேர் உடல் சிதறி பலி ஆனார்கள். ராஜீவ் காந்தி முன்னாள் இந்தியப் பிரதமர் ஆவார். இவரே இந்திய இலங்கை ஒப்பந்தம், 1987 ஏற்பட வழிவகுத்தவர். இத்தாக்குதலை தமிழீழ விடுதலை புலிகளின் பெண் தற்கொலைப் படை உறுப்பினரான தனு நடத்தினார். இந்தக் கொலையைத் தொடர்ந்து இந்திய அரசு விடுதலைப் புலிகளைத் தடை செய்தது. மேலும், இவரது கொலைக்காக, வேலுப்பிள்ளை பிரபாகரன் உள்ளிட்ட பல விடுதலைப்புலிகளை குற்றவாளிகளாக நிரூபித்து இந்திய உயர்நீதி மன்றம் தீர்ப்பு வழங்கியுள்ளது. விடுதலைபுலிகள் இயக்கத்தை சேர்ந்த பலர் கைது செய்யப்பட்டனர். குற்றம் நிரூபிக்கப்பட்டு சிலர் தண்டனையும் பெற்று வருகிறார்கள்.

இந்த வழக்கில் முருகன், பேரறிவாளன், சாந்தன், நளினி ஆகிய நான்கு பேருக்கு உச்ச நீதிமன்றம் தூக்கு தண்டனை விதித்தது. இதில் சோனியா காந்தியின் பரிந்துரையின் பேரில் நளினியின் தூக்கு தண்டனை ஆயுட் தண்டனையாக குறைக்கப்பட்டது. ஆனால் மற்ற மூவரின் கருணை மனுக்கள் ஆகத்து 2011 அன்று குடியரசுத் தலைவரால் மறுக்கப்பட்டன. இவ்வாறு கருணை மனுக்கள் மறுக்கப்பட்ட நிலையில் இவர்களது தூக்குதண்டனையை நிறைவேற்ற செப்டம்பர் 9, 2011 நாள் குறிக்கப்பட்டுள்ளது^[1]. இந்தண்டனையை விலக்கக்கோரி சில அரசியல் மற்றும் திராவிட இயக்கங்கள் போராட்டம் நடத்தி வருகின்றன. ஆகஸ்ட் 30 ,2011 இல் சென்னை உயர்நீதிமன்றம் இம்மூவரின் தூக்கு தண்டனையை எட்டு வாரங்களுக்கு தடை விதித்தது. இம்மூவரின் தண்டனையை ஆயுள்தண்டனையாகக் குறைக்க வேண்டுமென்று தமிழ்நாடு சட்டமன்றத்தில் ஒரு மனதாக தீர்மானம் நிறைவேற்றப்பட்டது.^[2]

இவரது கொலையை ஒரு பாரிய துன்பவியல் சம்பவம் என்று தமிழீழ விடுதலைப் புலிகளின் தலைவர் வேலுப்பிள்ளை பிரபாகரன் தனது ஏப்ரல் 14, 2002^[3] ஊடகவியாளர் சந்திப்பில் விபரித்தார்