ஜெயலலிதாவுக்கு ரூ. 51 கோடி சொத்து சட்டசபையில் அவரே வெளியிட்டார்

by **நண்பன்** Tue 6 Sep 2011 - 10:41

ஜெயலலிதாவுக்கு ரூ. 51 கோடி சொத்து
சட்டசபையில் அவரே வெளியிட்டார்

சட்ட சபையில் நேற்று கேள்வி நேரம் முடிந்ததும் செ. கு. தமிழரசன் (குடியரசுக் கட்சி)
பேசியதாவது :-
ஜெயலலிதாவுக்கு ரூ. 51 கோடி சொத்து சட்டசபையில் அவரே வெளியிட்டார் I2

ஜெயலலிதாவுக்கு ரூ. 51 கோடி சொத்து சட்டசபையில் அவரே வெளியிட்டார் I2

ஆட்சியில் இருப்பவர்கள் சொத்துக் கணக்கை வெளியிட்டு வருகிறார்கள். நேற்றுக் காலை ஒரு
ஆங்கில நாளிதழில் முதல் - அமைச்சர் ஜெயலலிதா தனது சொத்து கணக்கை வெளியிட வில்லை
என்று கூறப்பட்டு உள்ளது. புரட்சித் தலைவி எதையும் வெளிப் படையாக செய்பவர்
மனச்சாட்சி தவிர எதற்கும் அஞ்சமாட்டார். எனவே சொத்துக் கணக்கை முதல் - அமைச்சர்
தெரிவிப்பாரா? என்பதை அறிய விரும்புகிறேன்.
முதலமைச்சர் ஜெயலலிதா - உறுப்பினர் குறிப்பிட்ட ஆங்கில பத்திரிகை டெக்கான்
கிரானிக்கல் பெரிய ரகசியத்தை கண்டு பிடித்தது போல அவர்கள் இந்த செய்தியை வெளியிட்டு
இருக்கிறார்கள். இதில் எந்த ரகசியமும் இல்லை. இந்திய தேர்தல் ஆணைய விதி முறைப்படி
சட்டமன்ற அல்லது பாராளுமன்ற தேர்தலில் போட்டியிடும் வேட்பாளர் தனது சொத்துக் கணக்கை
வெளியிட வேண்டும்.

அதன்படி நான் ஸ்ரீரங்கம் தொகுதியில் போட்டியிட்ட போது 5
மாதங்களுக்கு முன்பு அதாவது ஏப்பரல் மாதம் எனது சொத்து கணக்கை வெளியிட்டேன். அப்போது
அனைத்து பத்திரிகைகளிலும் அந்த விவரம் பெரிதாக வெளியிடப்பட்டு இருக்கிறது.
ஸ்ரீ ரங்கத்தில் நான் போட்டியிட்ட போது கொடுத்த விவரத்தின்படி எனது அசையும் சொத்து
13 கோடியே 3 இலட்சத்து 77 ஆயிரத்து 929 அசையா சொத்து ரூ. 38 கோடியே 37 இலட்சத்து 40
ஆயிரம் எனது மொத்த சொத்தின் மதிப்பு ரூ. 51 கோடியே 40 இலட்சத்து 67 ஆயிரத்து 929
ஆகும்.
தேர்தல் முடிந்து 3 மாதங்கள் ஆகியிருக்கிறது. அதன் பிறகு நான் இதுவரை எந்த சொத்தும்
வாங்கவில்லை என்பதை இதன் மூலம் தெரிவித்துக் கொள்கின்றேன்.