தெய்வீக மூலிகை விளாம்பழம்

சிறிய இலைகளையும், ஆங்காங்கே தடித்த முகட்ளும்,வரட்சியும் உடைய இந்த மரம் வறண்ட பிரதேசத்திற்குரியது. பழங்கள் வட்ட வடிவுடனும்,தடித்த ஓட்டினையும் கொண்டிருக்கும்.

விளாம்பழம் பல வியாதிகளை குணப்படுத்தும் சிறந்த பழமாகும். இதில் இரும்பு சத்தும், சுண்ணாம் புச்சத்தும், வைட்டமின் ஏ சத்தும் உள்ளது. இப்பழத்துடன் வெல்லம் சேர்த்து பிசைந்து 21 நாட்கள் சாப்பிட்டு வந்தால் பித்தம் சம்மந்தமான அனைத்து கோளாறுகளும் குணமாகும்.

பித்தத்தால் தலை வலி, கண்பார்வை மங்கல், காலையில் மஞ்சளாக வாந்தி எடுத்தல், சதா வாயில் கசப்பு, பித்த கிறுகிறுப்பு, கை கால்களில் அதிக வேர்வை, பித்தம் காரணமாக இளநரை, நாவில் ருசி உணர்வு அற்றநிலை இவைகளை விளாம் பழம் குணப் படுத்தும்.



விளாம்பழத்திற்கு ரத்தத்தில் கலக்கும் நோய் அணுக்களை சாகடிக்கும் திறன் உண்டு. எனவே எந்த நோயும் தாக்காமல் பாதுகாக்கும்.

அஜீரண குறைபாட்டை போக்கி பசியை உண்டுபண்ணும் ஆற்றலும் விளாம்பழத்திற்கு உண்டு. முதியவர்களின் பல் உறுதி இழப்பிற்கு விளாம்பழம் நல்ல மருந்து.

குறிப்பாக பிரமச்சரியத்தை கடைப்பிடிக்க விரும்புவர்களுக்கும், மனக்கட்டுப்பாட்டை பேணுவதற்கும், ஆன்மீகசாதனைபுரிவதற்கும், உடலில் ஒளியினை நிலை நிறுத்தவும், காமத்தை கட்டுப்பாட்டில் வைத்திருக்கவும் விழாம்பழம் நாளுக்கு ஒன்று வீதம் உட்கொண்டாலே போதும் என்கின்றனர் சித்தர்கள். இதற்கு சக்தி அதிகம், இது தெய்வீக மூலிகை.