சேரன்-பிரசன்னா இருவரின் முரண் கூட்டணி

by **நேசமுடன் ஹாசிம்** Sun 11 Sep 2011 - 8:09

இயக்குனரும் நடிகருமான சேரன்-பிரசன்னா இருவரின் கூட்டணியில் 'முரண்'' என்ற திகில் படத்தை
இயக்கியுள்ளார் அறிமுக இயக்குனர் ராஜன் மாதவ்.

வெவ்வேறு துறைகளில் இருக்கும் நந்தா, அர்ஜுன் இருவரும் பயணம் ஒன்றில் சந்தித்து கொள்கிறார்கள்.

இந்த இருவருக்கிடையே 'முரண்' தொடங்குகிறது இவைதான் படத்தின் கதை.
வாழ்க்கையை பற்றிய இருவரின் சித்தாந்தங்களும் வெவ்வேறானவை. ஒருவன், வாழ்கை எப்படி அமைகிறதோ அதை அப்படியே ஏற்றுக்கொள்கிறான்.

மற்றொருவனோ தான் விரும்பும் வாழ்க்கையை அமைத்துக்கொள்ளதுடிக்கிறான். இருவரும் தங்களின் இலக்கை நோக்கி, அடுத்த அடியை எடுத்து வைக்கும் போது, எதிர்பாராத திருப்பங்களையும் குழப்பங்களையும் சந்திக்கிறார்கள்.

தத்தம் சூழ்நிலையிலிருந்து இருவரும் எவ்வாறு வெளிவருகின்றனர் என்பதே படத்தின் கதை. இதில் நந்தாவாக சேரனும்,அர்ஜுனாக பிரசன்னாவும் நடித்துள்ளார்கள்.

சேரனை காதலிக்கும் 'ஆடை வடிவமைப்பாளராக' ஹரிப்ரியா வருகிறார். மூவரும் இதுவரை நடித்திராத பாத்திரங்களில், இந்த உளவியல் சார்ந்த திகில் படத்தில் நடித்துள்ளார்கள்.

பாத்திரத்துக்கு ஏற்றார் போல மூவரும் நடித்துள்ளார்கள். படத்தில் முக்கியமான கதாபாத்திரங்களில் நிகிதா,ஜெயபிரகாஸ், சுமன் பட்டாச்சார்யா ஆகியோர் நடித்துள்ளார்கள் என்று பத்திரிக்கையாளர் சந்திப்பில் 'முரண்' படத்தின் இயக்குனர் ராஜன் மாதவ் கூறியுள்ளார்.