மதக்கலவர தடுப்பு சட்டமூலம் மாநில அதிகாரத்தை பாதிக்காது

மதக்கலவர தடுப்பு சட்டமூலம் மாநில அதிகாரத்தை பாதிக்காது


தேசிய ஒருமைப்பாட்டுக் கவுன்சில் கூட்டத்தில் மன்மோகன்சிங்

15வது தேசிய ஒருமைப்பாடு கவுன்சில் கூட்டம், நேற்று முன்தினம் டில்லியில் நடைபெற்றது.
இந்த கூட்டத்தில் மத்திய அரசின் மதக்கலவர தடுப்பு மசோதா குறித்து விவாதிக்கப்பட்டது.
அப்போது பல்வேறு மாநில முதல்-மந்திரிகள், இந்த மசோதா மாநிலங்களின்
உரிமையைப்பாதிக்கும் என்றும் கூட்டாட்சி அமைப்பு தத்துவத்தை மீறுவதாக இருப்பதாகவும்
கூறி எதிர்ப்பு தெரிவித்தனர். அதற்கு பதில் அளித்த பிரதமர் மன்மோகன்சிங்,
மாநிலங்களின் அதிகாரத்தை பாதிக்காத வகையில், இந்த மசோதாவில் உரிய திருத்தங்கள்
செய்யப்படும் என்றும், மாநில முதல்- மந்திரிகள் தெரிவித்த கருத்துக்கள் பரிசீலனைக்கு
எடுத்துக் கொள்ளப்படும் என்றும் உறுதி அளித்தார். கூட்டத்துக்கு பின் நிருபர்களுக்கு
பேட்டி அளித்த உள்துறை செயலாளர் ஆர். கே. சிங் இந்த தகவலை தெரிவித்தார்.
முன்னதாக பிரதமர் மன்மோகன்சிங் இந்த கூட்டத்தில் தொடக்க உரையாற்றினார். அப்போது அவர்,
சமீபத்தில் நடந்த டில்லி குண்டு வெடிப்பை குறிப்பிட்டு, தீவிரவாதத்துக்கு எதிரான
கண்காணிப்பில் எந்தவித குறைபாட்டுக்கும் இடம் அளித்துவிடக்கூடாது என்று எச்சரிக்கை
விடுத்தார் அவர் மேலும் கூறியதாவது: “பயங்கரவாதம் மற்றும் இடதுசாரி நக்சலைட்
தீவிரவாதமும்தான் நாட்டுக்கு இன்று முக்கிய சவால்களாக உள்ளன. மீண்டும் மீண்டும் நமது
நாடு தீவிரவாத தாக்குதலுக்கு ஆளாகி வருகிறது. தவறான கொள்கையின் அடிப்படையில் இந்த
தாக்குதலை தீவிரவாதிகள் நியாயப்படுத்தி வருகிறார்கள். கடந்த புதன்கிழமை அன்று
டில்லியில் நடைபெற்ற குண்டு வெடிப்பு தாக்குதல், தீவிரவாதத்துக்கு எதிரான நமது
கண்காணிப்புப்பணியில் குறைபாட்டுக்கு இடம் அளித்துவிடக்கூடாது என்பதை உறுதியாக
நினைவூட்டும் வகையில் உள்ளது. இளைஞர்கள் தீவிரவாதத்தை நாடுவதற்கான காரணங்களை அறிந்து,
அவற்றை தடுக்க நடவடிக்கை எடுக்க வேண்டும். இளைஞர்கள் தீவிரவாதத்தில் தள்ளபடுவதற்கு
உற்பத்தி சார்ந்த வேலைவாய்ப்பு இல்லாதது முக்கியமான காரணமாகும். இளைஞர்க ளுக்கு
கல்வி மற்றும் தொழில் திறன் மேம்பாட்டை அதிகரிப்பதன் மூலம் இந்த பிரச்சினைக்கு
தீர்வு காண முடியும். சிறுபான்மையினரின் மேம்பாட்டுக்காக சச்சார் கமிட்டி
அளித்துள்ள பரிந்துரைகளை அமுல்படுத்துவதற்காக 15 அம்ச திட்டம் போன்ற நடவடிக்கைகள்
மேற்கொள்ளப்பட்டு உள்ளன. மாநிலங்களில் ஏற்படும் மோதல்கள், கலவரங்களை பொலிஸார்
கவனமுடன் கையாள வேண்டும். அளவுக்கு அதிகமான படைபலங்களை பயன்படுத்துவது எதிர்
விளைவுகளை ஏற்படுத்திவிடும். தங்கள் மீது குறிவைத்து நடவடிக்கை எடுக்கப்படுவதாக
சிறுபான்மையினருக்கு ஒரு ஆதங்கம் உள்ளது. அதை உணர்ந்து பொலிஸார் விருப்பு வெறுப்பு
இன்றி செயல்பட வேண்டும். கிரிமினல் குற்ற நடவடிக்கைக ளுக்கும், தவறாக
வழிநடத்தப்பட்டு வன்முறையில் ஈடுபடுகிறவர்களுக்கும் உள்ள வித்தியாசத்தை நாம்
உணர்ந்து செயல்பட வேண்டும். இதுபோன்ற சமயங்களில் பொலிஸார் கையாள வேண்டிய நடை முறைகள்
குறித்த அறிவுரைகளை மத்திய உள்துறை அமைச்சகம் வழங்கி உள்ளது.
இதன் அடிப்படையில் பொலிஸாருக்கு பயிற்சி அளித்து நிலைமையை திறமையாக சமாளிப்பதற்கான
ஏற்பாடுகளை முதல்-மந்திரிகள் எடுக்க வேண்டும். அமைதி, நல்லிணக்கத்தை மேம்படுத்த
பத்திரிகைகள் மற்றும் ஊடகங்களின் பங்களிப்பு ஆக்கபூர்வமாக இருக்க வேண்டும்.

மாநிலங்களில் ஏற்படும் மோதல்கள், கலவரங்களை பொலிஸார்
கவனமுடன் கையாள வேண்டும். அளவுக்கு அதிகமான படைபலங்களை பயன்படுத்துவது எதிர்
விளைவுகளை ஏற்படுத்திவிடும். தங்கள் மீது குறிவைத்து நடவடிக்கை எடுக்கப்படுவதாக
சிறுபான்மையினருக்கு ஒரு ஆதங்கம் உள்ளது. அதை உணர்ந்து பொலிஸார் விருப்பு வெறுப்பு
இன்றி செயல்பட வேண்டும். கிரிமினல் குற்ற நடவடிக்கைக ளுக்கும், தவறாக
வழிநடத்தப்பட்டு வன்முறையில் ஈடுபடுகிறவர்களுக்கும் உள்ள வித்தியாசத்தை நாம்
உணர்ந்து செயல்பட வேண்டும். இதுபோன்ற சமயங்களில் பொலிஸார் கையாள வேண்டிய நடை முறைகள்
குறித்த அறிவுரைகளை மத்திய உள்துறை அமைச்சகம் வழங்கி உள்ளது.
இதன் அடிப்படையில் பொலிஸாருக்கு பயிற்சி அளித்து நிலைமையை திறமையாக சமாளிப்பதற்கான
ஏற்பாடுகளை முதல்-மந்திரிகள் எடுக்க வேண்டும். அமைதி, நல்லிணக்கத்தை மேம்படுத்த
பத்திரிகைகள் மற்றும் ஊடகங்களின் பங்களிப்பு ஆக்கபூர்வமாக இருக்க வேண்டும்.

நல்ல விடையம் இது .