இலங்கை கிரிக்கெட் அணியின் பயிற்றுநராக nஜப் மார்ஷ் நியமனம்

by **நண்பன்** Sat 24 Sep 2011 - 8:24

இலங்கை கிரிக்கெட்
அணியின் பயிற்றுநராக
nஜப் மார்ஷ் நியமனம்

இலங்கை கிரிக்கெட் அணியின் புதிய பயிற்றுநராக அவுஸ்திரேலிய அணியின் முன்னாள்
விக்கெட் காப்பாளர் ஜெப் மார்ஷ் நியமிக்கப்பட்டுள்ளதாக ஸ்ரீலங்கா கிரிக்கெட்
அறிவித்துள்ளது.
இலங்கை கிரிக்கெட் அணியின் பயிற்றுநராக nஜப் மார்ஷ் நியமனம் S1

இலங்கை கிரிக்கெட் அணியின் பயிற்றுநராக nஜப் மார்ஷ் நியமனம் S1

எதிர்வரும 27ஆம் திகதி முதல் இரு வருடகாலத்திற்கு அவர் ஒப்பந்தம் செய்யப்பட்டுள்ளார்.
2 வயதான ஜெப் மார்ஷ் அவுஸ்திரேலியாவுக்காக 50 டெஸ்ட் போட்டிகளிலும் 119 ஒருநாள்
சர்வதேச போட்டிகளிலும் விளையாடியவர். 1987ஆம் ஆண்டு உலகக் கிண்ணத்தை வென்ற
அவுஸ்திரேலிய அணியிலும் அவர் இடம்பெற்றார்.
1999ஆம் ஆண்டு அவுஸ்திரேலிய அணி உலகக் கிண்ணத்தை வென்றபோது அவ்வணியின் தலைவராக ஜெப்
மார்ஷ் பணியாற்றியமை குறிப்பிடத்தக்கது. 2000 முதல் 2004 வரை அவர் ஸிம்பாப்வே
அணியின் பயிற்றுநராகவும் பணியாற்றினார்.
பள்ளேகலவில் நடைபெறும் இலங்கை அணியுடனான இரண்டாவது டெஸ்ட் கிரிக்கெட் போட்டியின்
மூலம் ஜெப் மார்ஷின் புதல்வர்களில் ஒருவரான ஷோன் மார்ஷ் டெஸ்ட் அறிமுகமானார்.
இப்போட்டியில் அவர் சதம் குவித்தமை குறிப்பிடத்தக்கது.
இப்போட்டியில் நேரடியாக பார்வையிட்ட ஜெப் மார்ஷ் தான் இலங்கை அணியின் பயிற்றுநராகும்
சாத்தியம் குறித்து பேசியிருந்தார்.
இலங்கை அணியின் பயிற்றுநராக பதவி வகித்த ட்ரவோர் பெய்லீஸ் கடந்த உலகக் கிண்ணப்
போட்டியுடன் பதவி விலகிவிட்டார். அப்போதிருந்தே இலங்கை அணிக்கு தற்காலிக
பயிற்றுநர்களே நியமிக்கப்பட்டனர். முதலில் உதவிப் பயிற்றுநர் ஸ்டுவர்ட் லோ தற்காலிக
பயிற்றுநகராக கடமையாற்றினார். அவுஸ்திரேலிய அணியுடனான போட்டிகளுக்கு இலங்கை அணியின்
முன்னாள் வீரர் ருமேஷ் ரட்நாயக்கவும் பயிற்றுநராக நியமிக்கப்பட்டார்.
இலங்கை அணியின் பயிற்றுநர் பதவிக்கு தென்னாபிரிக்க அணியின் முன்னாள் பயிற்றுநர்
கிரஹம் போர்ட்டின் பெயரும் பரிசீலிக்கப்பட்டது.
எனினும் அவர் மறுப்புத் தெரிவித்து விட்டார்.
இந்நிலையில் பயிற்றுநர் பதவிக்கான தன்னுடனான கலந்துரையாடலில் ஜெப் மார்ஷின் முன்னாள்
டெஸ்ட் அணி சகாவும் இலங்கை அணியின் முன்னாள் பயிற்றுநருமான டொம் மூடி கலந்துகொண்டார்.
இதன் மூலம் எதுவும் தீர்மானிக்கப்படவில்லை. நான் இந்த டெஸ்ட் போட்டியில் கவனம்
செலுத்துகிறேன் சம்பிரதாய பூர்வமாக எதுவும் பேசப்படவுமில்லை நான் கருத்திற்
கொள்ளப்படலாம் ஆனால் விடயங்கள் எப்படி நடைபெறுகின்றன. என்று பார்க்க வேண்டும் என
ஜெப் மார்ஷ் தெரிவித்துள்ளார்.
இவரின் இளைய புதல்வரான மிட்செல் ரோஸ் மார்ஷ், அவுஸ்திரேலிய ஏ அணி, மேற்கு
அவுஸ்திரேலிய அணி, டெக்கான் சார்ஜஸ் ஆகியவற்றில் விளையாடியுள்ளமை குறிப்பிடத்தக்கது.