சர்வதேச கராத்தே போட்டியில் 62 வயதான தமிழருக்கு தங்கப்பதக்கம்

by **நிலாம்** Sun 25 Sep 2011 - 11:12

[ ஞாயிற்றுக்கிழமை, 25 செப்ரெம்பர் 2011, 05:58.23 மு.ப GMT ]

சர்வதேச கராத்தே போட்டியில் 62 வயதான தமிழருக்கு தங்கப்பதக்கம் Kanesamoorthy

அமெரிக்காவில்
அண்மையில் நடைபெற்ற 22 ஆவது சர்வதேச கராத்தே சம்பியன்ஷிப்
சுற்றுப்போட்டியில் இலங்கையரான செல்லதுரை கணேசலிங்கம் தங்கப் பதக்கத்தை
வென்றுள்ளார்.62 வயதான கணேசலிங்கம், இப்போட்டியில் தன்னிலும் பாதி
வயதுகொண்ட போட்டியாளர்களை தோற்கடித்து இப்பதக்கத்தை வென்றமை
குறிப்பிடத்தக்கது. இவர் தற்போது பிரிட்டனில் வசித்து வருகிறார்.

அமெரிக்காவின் இண்டியானா மாநிலத்தில் இச்சுற்றுப்போட்டி நடைபெற்றது.

ஓய்வுபெற்ற நிதி ஆலோசகரான கணேசலிங்கம், 'நான் தங்கப்பதக்கம் வெல்வேன்
என நான் ஒருபோதும் எண்ணவில்லை. இந்த வயதில் நான் ஓய்வு பெற்றிருப்பேன் என
எண்ணிருந்தேன் என கணேஷ் கூறியுள்ளார்.

தனக்கு 23 வயதாக இருந்தபோது இலங்கையில் வங்கி வேலைநிறுத்தமொன்று
நடைபெற்ற காலத்தில் தான் கராத்தே கற்க ஆரம்பித்ததாக அவர் தெரிவித்துள்ளார்.
1990 ஆம் ஆண்டு அவர் தனது மனைவி ராஜினியுடன் இங்கிலாந்துக்கு
குடிபெயர்ந்தார்.

"இந்நாட்டிற்கு வந்தபின் நான் கராத்தே சுற்றுப்போட்டியொன்றை பார்வையிடச்
சென்றேன். அவர்களை என்னால் தோற்கடிக்க முடியும் எனத் தோன்றியது. கின்னஸ்
சாதனைப் புத்தகத்தில் இடம்பெறுவதற்காக ஏதாவது செய்ய வேண்டும் என்பது என்
விருப்பம். ஆனால் நான் எப்போதும் வேலை செய்துகொண்டிருந்ததால் அதற்கு நேரம்
கிடைக்கவில்லை"எனத் அவர் தெரிவித்துள்ளார்.

'வாழ்க்கையின் இறுதியில்தான் அவரால் தனது கனவுகளை நனவாக்க
முடிந்துள்ளது. அவர் குறித்து நாம் மிக பெருமையடைகிறோம்' என
கணேசலிங்கத்தின் மகள் அகிலா (30) கூறியுள்ளார்.