பொருந்திய பொழுதுகள்...அப்துல்லாஹ்

by **அப்துல்லாஹ்** Sat 1 Oct 2011 - 11:56

அதிகாலையும்
அந்தி மாலையும்
மதிய வேளையும்
மங்கின பகலும்
மழை வெறிவும்
இவற்றுடன்
சில மணக்கும் பொழுதுகளும்
மயக்கும் இரவுகளும்
வெறுக்கும் கணங்களுடன் ....

மனதுக்கும் பொழுதுக்கும்
இணைப்பு உண்டா

பாசி படர்ந்த கிணற்றின் படியில்
பாதத்தை பொத்தி அழுத்தி
லாவகமாக மேல தாவ
எனக்கு உதவுவது
என் பாதமா அல்லது
பத்திரமான உந்துதலா...

தேடித் தேடி இந்த இணைப்புகள்
என்னோடு இணைந்திட இங்கே
வழிகாட்டும் இடம் எதுவோ ...

இல்லாவிட்டால்
நான் அழுத நேரத்தில் என்முகம்
பார்த்து தன் முகத்தில் எனது அத்தனை
வேதனையையும் உள்வாங்கிய
என் சின்ன மகன்
சிலிர்த்து அழுதானே..
எங்கே இருந்தான் அவன்
பதினான்கு ஆண்டுக்கு முன்....

மழை வெறித்த அந்த
மாலையும் பிற்பகலும்
சேர்ந்த மங்கிய வெளிச்சத்தில்

இறந்து கிடந்த என் தாயின் சடலத்தை
தோளில்சுமந்து கொண்டு நான்
வீட்டிலிருந்து வெளிவரும்போது

என்மனசும் அந்தப் பொழுதும்
ஒரே நிறம் ஒரே வாசம்
மழை வெறித்த
மாலையும் பிற்பகலும்
சேர்ந்த மங்கிய நேரம் வந்தால்
உம்மாவை நினைத்து
ஒடுங்கி உருகி அழத் தோணுதே ஏன்

ஆழம நிறைந்த கிணற்றில்
பாசி படர்ந்த கல் படியில்
தடுமாறி நிற்கும்
உணர்வுகளும்
தடுமாற்றங்களும்
லாவகமாக தாவி மேல ஏற
ஒரு கை தூக்கி விட

கொஞ்சம் உதவி வேணும்...

by **நண்பன்** Sat 1 Oct 2011 - 13:52

நான் அழுத நேரத்தில் என்முகம்
பார்த்து தன் முகத்தில் எனது அத்தனை
வேதனையையும் உள்வாங்கிய
என் சின்ன மகன்
சிலிர்த்து அழுதானே..
எங்கே இருந்தான் அவன்
பதினான்கு ஆண்டுக்கு முன்....

மழை வெறித்த அந்த
மாலையும் பிற்பகலும்
சேர்ந்த மங்கிய வெளிச்சத்தில்

இறந்து கிடந்த என் தாயின் சடலத்தை
தோளில்சுமந்து கொண்டு நான்
வீட்டிலிருந்து வெளிவரும்போது

என்மனசும் அந்தப் பொழுதும்
ஒரே நிறம் ஒரே வாசம்
மழை வெறித்த
மாலையும் பிற்பகலும்
சேர்ந்த மங்கிய நேரம் வந்தால்
உம்மாவை நினைத்து
ஒடுங்கி உருகி அழத் தோணுதே ஏன்

உள்ளம் கனக்கும் இந்த வரிகளைப் படிக்கும் போது என் கண்களில் நீர் வடிந்து விட்டது இந்த வரிகள் ஆழ் மனதில் பதிந்த ஏக்கங்கள் இன்னல்கள் சோகங்கள். வார்த்தைகள் இல்லை சார் சாரி.

தடு மாற்றங்களையும் இன்னல்களையும் தூசி தட்டி விட்டு உங்கள் வெற்றிக்கும் முன்னேற்றத்திற்கும் தோழ் கொடுக்கும் தோழர்கள் இங்கு பலர் உண்டு
@. @.

by **kalainilaa** Sat 1 Oct 2011 - 14:00

எண்ணங்களை எடைப்போட்டு,
உள்ளத்தின் வேதனைக்கு ,
ஆறுதல் வேண்டிய கவிதை,
வளைகுக்குடா வாசிகளின்
வண்ணக் குமுறல்கள்

இறந்து கிடந்த என் தாயின் சடலத்தை
தோளில்சுமந்து கொண்டு நான்
வீட்டிலிருந்து வெளிவரும்போது

இதுகூட கிடைக்காத நிலையில்
இன்னும் நான் இங்கு .

பொழுதுகளும் நாம் பெற்ற விழுதுகளும்
உறவாக உணர்வுகளின் பின்னலில்
நம்மோடு பயணப்படும் இந்த வாழ்க்கையை
படிமப் படுத்தி மனதை
கடினப்படுத்திவிட்டிர்கள் தோழரே....

அருமை தோழரே .உங்கள் ஆழ்மனத்தின்
வெளிப்பாடுகள் .

by Sponsored content

பொருந்திய பொழுதுகள்...அப்துல்லாஹ்

பொருந்திய பொழுதுகள்...அப்துல்லாஹ்

Re: பொருந்திய பொழுதுகள்...அப்துல்லாஹ்

Re: பொருந்திய பொழுதுகள்...அப்துல்லாஹ்

Re: பொருந்திய பொழுதுகள்...அப்துல்லாஹ்