மெதுவாக குணமடைந்து வருகிறேன்- ஜாகீர்கான்

by **நண்பன்** Tue 4 Oct 2011 - 9:26

இந்தியாவின் வேகப்பந்து வீச்சாளர்
ஜாகீர்கானுக்கு இங்கிலாந்து சுற்றுப்பயணத்தின் போது கணுக்காலில் காயம்
ஏற்பட்டது. இதனால் அவர் அறுவை சிகிச்சை செய்துகொண்டார்.

இதன்காரணமாக
கடந்த ஆகஸ்ட் 29-ல் ராஷ்ட்ரபதி பவனில் நடைபெற்ற விருது வழங்கும் விழாவில்
கலந்து கொள்ள முடியவில்லை. இந்நிலையில், ஜாகீர்கான் வீட்டிற்குச் சென்று
விளையாட்டுத்துறை அமைச்சர் அஜய் மாகான் அர்ஜுனா விருதை வழங்கினார். பின்னர்
பேசிய ஜாகீர்கான் நான் மெதுவாக குணமடைந்து வருகிறேன், ஆனால் நலமுடன்
இருக்கிறேன். தற்போது சர்வதேச போட்டிகளில் பங்கேற்க முடியவில்லை. விரைவில்
வருவேன் என தெரிவித்தார்.