16 நாடுகளுடன் இணைந்து பாரிய போர்ப் பயிற்சி! இலங்கை இராணுவத்தை இந்தியா அழைக்கவில்லை

by **பாயிஸ்** Tue 4 Oct 2011 - 13:01

இந்திய இராணுவம் 16 நட்பு நாடுகளின் படைகளுடன் இணைந்து மேற்கொள்ளவுள்ள பாரிய போர்ப் பயிற்சியில் பங்கேற்க இலங்கை இராணுவத்திற்கு அழைப்பு அனுப்பப்படவில்லை என்று புதுடில்லித் தகவல்கள் தெரிவிக்கின்றன.

சுமார் 1.13 மில்லியன் படையினரைக் கொண்ட இந்திய இராணுவம் இருபது ஆண்டுகளுக்குப் பின்னர் நட்பு நாடுகளுடன் இணைந்து பாரியளவிலான போர்ப் பயிற்சியை மேற்கொள்ளவுள்ளதாகத் தெரிவிக்கப்பட்டது.

நட்பு நாடுகளின் இராணுவங்களுக்கு இடையிலான உறவுகளைப் பலப்படுத்திக்கொள்ளும் நோக்கில் இந்தியாவில் இக்கூட்டுப் பயிற்சி மேற்கொள்ளப்படவுள்ளது.

அமெரிக்கா, பிரித்தானியா, பிரான்ஸ், ரஷ்யா, மொங்கோலியா, கசகக்ஸ்தான், உஸ்பெகிஸ்தான், கிர்கிஸ்தான், பங்களாதேஷ், மியன்மார், நேபாளம், மாலைதீவு, சிசெல்ஸ், சிங்கப்பூர், இந்தோனேசியா, தாய்லாந்து ஆகிய 16 நாடுகளின் இராணுவங்கள் இக்கூட்டுப் போர்ப் பயிற்சியில் பங்கேற்கவுள்ளதாக இந்திய இராணுவ அதிகாரிகள் கூறியுள்ளனர்.

60 ஆண்டுகாலப் போர் அனுபவத்தைக் கொண்டுள்ள தமது இராணுவத்துடன் இணைந்து பயிற்சிகளை மேற்கொள்வதற்கு ஏனைய நாடுகளின் இராணுவங்கள் ஆர்வமாகவிருப்பதாகவும் குறிப்பாக கிராமப்புற, நகரப்புற, அரை நகரப் புறங்களில் கிளர்ச்சி மற்றும் தீவிரவாத முறியடிப்பு நடவடிக்கைகளை மையப்படுத்தி இந்தப் போர்ப்பயிற்சிக்கு ஒழுங்கு செய்யப்பட்டுள்ளதாகவும் இந்திய இராணுவத்தின் மூத்த அதிகாரி ஒருவர் கூறியுள்ளார்.

அதேவேளை இப்போர்ப் பயிற்சிக்கு இலங்கை இராணுவத்திற்கு அழைப்பு விடுக்கப்படவில்லை என்பது குறிப்பிடத்தக்கது.

இந்தியாவின் அயல் நாடுகளான பங்களாதேஷ், நேபாளம், மாலைதீவு, மியன்மார் போன்றவற்றுக்கு அழைப்பு விடுக்கப்பட்டுள்ள போதும் இலங்கைக்கு மட்டும் இந்த அழைப்பு விடுக்கப்படவில்லை.

அண்மையில் திருகோணமலைக் கடற்பரப்பில் இலங்கைக் கடற்படையுடன் இணைந்து இந்தியக் கடற்படை போர்ப்பயிற்சி ஒன்றை மேற்கொண்டிருந்தது.

ஆனால் இந்திய இராணுவம் இலங்கை இராணுவத்திற்குக் கூட்டுப்போர்ப் பயிற்சிக்கு அழைப்பு விடுக்காதது சந்தேகங்களை எழுப்பியுள்ளது.

இதேவேளை இலங்கை இராணுவத்தை மையப்படுத்தியே போர்க் குற்றச்சாட்டுகள் சுமத்தப்படுவதால் சர்ச்சைகளைத் தவிர்ப்பதற்காக இந்திய இராணுவம் இலங்கையைக் கழற்றிவிட்டிருக்கலாம் என்றும் கருதப்படுகின்றது.

by **நேசமுடன் ஹாசிம்** Tue 4 Oct 2011 - 13:03

அழைத்தால் இவர்களின் பங்கு எமக்கும் சேர்ந்திடும் என்று பயப்பட்டிருப்பார்கள் போல நன்றி பாயிஸ் பகிர்வுக்கு

16 நாடுகளுடன் இணைந்து பாரிய போர்ப் பயிற்சி! இலங்கை இராணுவத்தை இந்தியா அழைக்கவில்லை

16 நாடுகளுடன் இணைந்து பாரிய போர்ப் பயிற்சி! இலங்கை இராணுவத்தை இந்தியா அழைக்கவில்லை

Re: 16 நாடுகளுடன் இணைந்து பாரிய போர்ப் பயிற்சி! இலங்கை இராணுவத்தை இந்தியா அழைக்கவில்லை