திருப்பதியில் தங்கத் தேரோட்டம்

by **நண்பன்** Thu 6 Oct 2011 - 9:18

திருப்பதியில் தங்கத் தேரோட்டம்

திருப்பதி கோவில் பிரம்மோற்சவ விழாவில் 6ம் நாளான நேற்றுமுன்தினம் தங்கத் தேரோட்டம்
நடந்தது. இதில் லட்சக்கணக்கான பக்தர்கள் கலந்துகொண்டு சாமி தரிசனம் செய்தனர்.
திருப்பதியில் தங்கத் தேரோட்டம் I-7

திருப்பதி ஏழுமலையான் கோவில் வருடாந்த பிரம்மோற்சவ விழா கடந்த 29ந் திகதி தொடங்கி
நடந்து வருகிறது. விழாவின் 6ம் நாளான நேற்று முன்தினம் காலை உற்சவரான மலையப்பசாமி
தங்க, வைர நகைகளால் அலங்கரிக்கப்பட்டு அணுமந்த வாகனத்தில் 4 மாட வீதிகளில் ஊர்வலம்
நடந்தது. காலை 9 மணிக்கு தொடங்கிய இந்த ஊர்வலம் பகல் 11 மணிவரை நடந்தது.
மாலை 5 மணி முதல் 6 மணி வரை தங்கத்தேரோட்டம் நடந்தது. தேரில் உற்சவர்களான
மலையப்பசாமி ஸ்ரீதேவி – பூதேவி வைக்கப்பட்டு தங்க, வைர நகைகளாலும், பட்டு
பீதாம்பரங்களாலும் அலங்கரிக்கப்பட்டு இருந்தது. மலர் அலங்காரமும் செய்யப்பட்டு
இருந்தது. சிறப்பு பூஜையும் நடத்தப் பட்டது.
அதைதொடர்ந்து தேரோட்டம் நடந்தது. இதில் திருமலை திருப்பதி தேவஸ்தான அறங்காவலர் குழு
தலைவர் பாப்பிராஜூ தேவஸ்தான அதிகாரி எல்.வி. சுப்பிரமணியம் மற்றும் ஊழியர்கள்
பங்கேற்றனர். இலட்சக்கணக்கான பக்தர்கள் கலந்துகொண்டு சுவாமி தரிசனம் செய்தனர்.
தங்க யானை வாகனத்தில் வீதி உலா பின்னர் இரவு 9 மணி முதல் 11 மணி வரை உற்சவரான
மலையப்ப சாமிக்கு தங்க வைர நகைகளுடன் அலங்காரம் செய்யப்பட்டு தங்க யானை வாகனத்தில்
நான்கு மாடவீதியில் ஊர்வலம் நடந்தது.