கூடங்குளம் அணுமின்நிலைய பிரச்சினை: இடிந்தகரையில் இன்று மீண்டும் உண்ணாவிரதம் ; ஆயிரக்கணக்கானோர் பங்கே

நெல்லை மாவட்டம் கூடங்குளத்தில் உள்ள அணுமின்நிலையத்தை மூட
வலியுறுத்தி அணுமின்நிலைய எதிர்ப்பாளர்கள் கடந்தமாதம் தொடர்
உண்ணாவிரதத்தில் ஈடுபட்டனர். இதனைத் தொடர்ந்து தமிழக முதல்-அமைச்சர்
ஜெயலலிதாவுடன் போராட்டக்குழுவினர் கடந்தமாதம் 21-ந்தேதி சந்தித்து
பேச்சுவார்த்தை நடத்தினார்கள். அவர்கள் கேட்டுக்கொண்டதன் அடிப்படையில்,
மக்கள்அச்சத்தை போக்கும் வரை கூடங்குளம் அணுமின் நிலைய பணிகளை நிறுத்தி
வைக்கவேண்டும் என்று தமிழக அமைச்சரவையில் தீர்மானம் நிறைவேற்றப்பட்டது.


இதையடுத்து
போராட்டக்குழுவினர் தங்களது உண்ணாவிரதத்தை தற்காலிகமாக நிறுத்தினர்.
இருந்தபோதிலும் அக்டோபர் 9-ந்தேதி, அதாவது இன்று உண்ணாவிரத போராட்டம்
நடத்துவோம் என்று அவர்கள் அறிவித்திருந்தனர். இதனிடையே பிரதமரை
நேரில்சந்தித்து கோரிக்கையை தெரிவிக்கும்வகையில் போராட்டக்குழுவினரை
தமிழகஅரசு அழைத்துச் சென்றது. அவர்கள் பிரதமர் மன்மோகன்சிங்கை சந்தித்து
தங்களது கோரிக்கையை தெரிவித்து, அதுதொடர்பான மனுவையும் அளித்தனர்.

அப்போது
பிரதமர், கூடங்குளம் அணுமின்நிலையம் தொடர்பாக அப்பகுதி மக்களின் அச்சத்தை
போக்க உயர்மட்டகுழு அமைக்கப்படும் என்று உறுதியளித்தார். அதேநேரத்தில்
தமிழகஅரசுக்கு எழுதிய கடிதத்தில், கூடங்குளம் அணுமின்நிலையத்தை இயக்க
தமிழகஅரசு ஆதரவு தரவேண்டும் என்று பிரதமர் மன்மோகன்சிங் கேட்டிருந்தார்.
இதனையடுத்து பிரதமருடன் நடத்திய பேச்சுவார்த்தை திருப்பதி அளிக்கவில்லை
என்று போராட்டக்குழுவினர் தெரிவித்தனர்.

இந்தநிலையில்
போராட்டக்குழுவினர் ஏற்கனவே அறிவித்திருந்தபடி உண்ணாவிரத போராட்டம்,
இடிந்தகரையில் இன்று(ஞாயிற்றுக்கிழமை) நடைபெற்றது. இதற்கு போராட்டக்குழு
ஒருங்கிணைப்பாளர் உதயகுமார் தலைமை தாங்கினார். இதில் ஆயிரக்கணக்கானோர்
கலந்து கொண்டனர். இந்த உண்ணாவிரத போராட்டம் குறித்து ஒருங் கிணைப்பாளர்
உதயகுமார் கூறும்போது, “கூடங்குளம் அணுமின் நிலையத்தை மூடவேண்டும் என்பதில்
உறுதியாக இருக்கிறோம். எங்களது கோரிக்கைக்கு அனைத்து கட்சியினரும் ஆதரவு
தெரிவித்து வருகின்றனர். ஆனால் மத்தியஅரசு மக்கள் உணர்வுகளை புரிந்து
கொள்ளவில்லை.

மத்திய அரசின் கவனத்தை ஈர்க்கும்
விதமாகவே இந்த உண்ணாவிரத போராட்டத்தை நடத்துகிறோம்” என்றார். பிரதமரிடம்
வைத்த கோரிக்கைகள், பிரதமர் அளித்த
வாக்குறுதிகள் பற்றிய விவரங்களை பிரதமருடன் பேச்சுவார்த்தை நடத்திய
குழுவினர் உண்ணாவிரத பந்தலில் தெரிவித்து பேசுகின்றனர். அதன் அடிப்படையில்
பொதுமக்களுடன் ஆலோசனை நடத்தப்பட்டு, உண்ணாவிரத போராட்டத்தை தொடர்வதா? என்று
முடிவு செய்யப்பட்டு இன்றுமாலை அறிவிக்கப்படுகிறது.

மாலைமலர்

அரசு துரிதமாக செயல்பட்டு மக்களின் அச்சத்தைப் போக்க வேண்டும்

jasmin wrote:அரசு துரிதமாக செயல்பட்டு மக்களின் அச்சத்தைப் போக்க வேண்டும்

@. @.